Manchester Unitedi ka konfirmuar se nëntë lojtarë do të largohen nga klubi kur të skadojnë kontratat e tyre këtë verë.
Cameron Borthwick-Jackson është një prej emrave më të njohur që është përfshirë në listën e atyre që do të largohen.
Krahas tij do të largohen Aidan Barlow, Alex Fojticek, Ethan Hamilton, Dion McGhee, Demetri Mitchell, Kieran O’Hara, Largie Ramazani dhe George Tanner.
Cameron Borthwick-Jackson (Foto: Alex Livesey/Getty Images/Guliver)
“Duam t’i falënderojmë lojtarët që po largohen për kontributet e tyre gjatë kohës te klubi dhe ju urojmë çdo të mirë në të ardhmen”, thuhet në njoftimin e Djajve të Kuq.
Ndërsa që të nëntë lojtarët do ta kenë të drejtën të kthehen në Carrington për stërvitjet parasezonale në mënyrë që ta mbajnë formën fizike. /Telegrafi/
