UEFA asnjë masë ndaj Francës për gabimet me himnin e Shqipërisë, e pësojnë keq Hungaria, Rumania dhe Sllovakia

UEFA ka publikuar masat disiplinore për ndeshjet e kualifikueseve ‘Euro 2020’ dhe ato miqësore të muajit shtator.

Sa i përket Francës dhe ngatërresës që u bë me himnin e Shqipërisë, në ndeshjen e 7 shtatorit, shtëpia e futbollit të Evropës e ka parë si të arsyeshme të mos marrë asnjë masë ndaj Federatës Franceze të Futbollit.

Ndeshja ishte vonuar me disa minuta shkaku i këtij gabimi.

France-Albania UEFA qualifier delayed after French play Andorran national anthem instead of Albanian, enraging Albania & leading them to refuse to start the match until the proper anthem was playedpic.twitter.com/pD2AJP01tN

— Football HQ (@FootbaII_HQ) September 7, 2019

Në anën tjetër UEFA ka vepruar me “dorë të hekurt” ndaj racizmit të shfaqur në eliminatoret e Evropianit 2020 dhe ka pezulluar me nga një ndeshje pa tifozë Hungarinë, Rumaninë dhe Sllovakinë.

Tifozë të këtyre skuadrave demonstruan thirrje e kore raciste gjatë ndeshjeve eliminatore të shtatorit dhe institucioni drejtues i futbollit evropian mori vendimin për mbylljen e stadiumeve.

Rumania do të shlyejë dënimin në ndeshjen ndaj Norvegjisë, Hungaria kundër Azerbajxhanit dhe Sllovakia kundër Uellsit, të tri këto ndeshje zhvillohen në muajin tetor. /Telegrafi/