Tyson Fury ka thënë se e ka pranuar një ofertë për t’u ndeshur me legjendën e boksit në një duel sensacional që do të shënojë rikthimin e 53-vjeçarit në ring.

Ish-kampioni i padiskutueshëm i botës do të hyjë në ring, 15 vite pas pensionimit, për t’i zhvilluar disa meçe të karakterit miqësor që do të kenë qëllim bamirës.

‘Iron Mike’ do ta zhvillojë edhe rimeçin e shumëpritur ndaj legjendës tjetër, Evander Holyfield, i cili tash është 57 vjeçar.

Mike Tyson, Lennox Lewis dhe Evander Holyfield (Foto: Al Bello/Getty Images/Guliver)

“Kam marrë një telefonatë, ku më është dhënë shansi të ndeshem me Mike Tyson. Thashë: ‘Çfarë?’”.

Tyson publikon video ku shihet fiziku i tij i jashtëzakonshëm edhe pse në moshën 53 vjeçare – duket gati për rikthim në boks Tyson publikon video ku shihet fiziku i tij i jashtëzakonshëm edhe pse në moshën 53 vjeçare – duket gati për rikthim në boks

“Po, pata një telefonatë, në të cilën më është thënë: ‘Dëshiron të ndeshesh me Mike Tysonin në një duel miqësor?’ Unë thash: ‘Padyshim që po!’”, ka treguar Fury për BT Sport.

31-vjeçari ka thënë se Mike duhet ta zhvillojë meçin e tretë kundër Holyfieldit, me të cilin është ndeshur dy herë kur të dy boksierët ishin në formë të mirë.

(Foto: Al Bello/Getty Images/Guliver)

“Nëse të dy janë të përgatitur për t’u përballur, janë në gjendje shëndetësore, atëherë le t’i ëmë të bëjnë çfarë duan të bëjnë. Është jeta e tyre, jo e imja”, ka theksuar britaniku.

Mike Tyson është idhulli i Tyson Furyt dhe dueli me të do të ishte një ëndërr e bërë realitet. Në ndërkohë, ata kanë raporte shumë të mira me njëri-tjetrin, ndërsa pas rikthimit të boksierit britanik në majat e boksit, legjenda amerikane e ka quajtur më të mirin. /Telegrafi/