Twitter fiton përkrahjen e udhëheqësit të lartë të Talebanëve: Një platformë që lejon lirinë e fjalës

Një udhëheqës i lartë i Talebanëve ka ofruar mbështetjen e tij për platformën e Elon Musk-ut, Twitter.

Anas Haqqani një udhëheqës i grupit islamik të vijës së ashpër, që mori pushtet në Afganistan në verën e vitit 2021, potencoi se Twitter-i ishte një vend tolerant që lejonte lirinë e fjalës të lulëzonte, transmeton Telegrafi.

Haqqani ofroi mbështetjen e tij në një postim në Twitter të hënën, derisa platforma e re e Meta-s, Threads, kishte grumbulluar më shumë se 100 milionë përdorues në më pak se një javë.

Twitter has two important advantages over other social media platforms.
The first privilege is the freedom of speech. The second privilege is the public nature & credibility of Twitter. Twitter doesn’t have an intolerant policy like Meta. Other platforms cannot replace it. pic.twitter.com/oYQTI3hgfI

— Anas Haqqani(انس حقاني) (@AnasHaqqani313) July 10, 2023

Popullariteti dhe ngjashmëria me Twitter-in ka ‘acaruar gjakrat’ mes shefit të Meta-s, Mark Zuckerberg dhe Muskut, madje në një pikë ky i fundit kërcënoi me padi.

Por Haqqani, grupi i të cilit ua ka ndaluar grave shkollimin universitar, daljen në hapësirat publike dhe të drejtën në shumicën e vendeve të punës tha se Musk nuk kishte asgjë për t’u shqetësuar.

“Platformat e tjera nuk mund ta zëvendësojnë atë”, tha ai për Twitter, duke përmendur angazhimin e tij për “lirinë e fjalës” dhe “natyrën publike dhe besueshmërinë e tij”.

“Twitter nuk ka një politikë intolerante si Meta”, shtoi ai.

Ndryshe, portalin Telegrafi mund ta ndiqni edhe edhe në platformën e re të re “Threads” – për momentin përmes dy profileve zyrtare, Telegrafi.com, si dhe Telegrafi Sport. /Telegrafi/