Tualeti i aeroplanit u bllokua me pelena, udhëtarët u detyruan të urinojnë në qese plastike (Foto)

Fluturimi me aeroplan nga Shtete e Bashkuara për në Hawaii, është kthyer në makth për 187 pasagjerët, që u detyruan të urinojnë në shishe dhe qese plastike.

Një udhëtare që po shkonte për pushime nga Feniksi për në Kona, e ka filmuar bisedën me një stjuardesë të America Airlines, që ia ndalon të hyjë në tualet, sepse ishte bllokuar prej pelenave, transmeton Telegrafi.

“Si po mendon, duhet të urinoj në qese”, ka thënë udhëtarja e cila ka refuzuar të tregojë emrin.

Ajo është ankuar se mund të ketë probleme shëndetësore, por stjuardesa ka vazhduar t’ia ndalonte hyrjen, sepse tualeti ishte bërë i pashfrytëzueshëm, prej disa pasagjerëve të pandërgjegjshëm.

Për katër orë sa zgjati fluturimi, shumica u detyruan të gjejnë skaje të ndryshime në aeroplan që të urinojnë në këto forma alternative.

Kompania ajrore ka kërkuar falje dhe u ka dhënë bona në vlerë të 240 dollarëve, ndërsa aeroplani i është nënshtruar pastrimit profesional. /Telegrafi/