Franca e ka mposhtur Spanjën me rezultat 2-1, për të fituar trofeun e Ligës së Kombeve.

Finalja e garës më të re të UEFA-s që u zhvillu në stadiumin ‘San Siro’, kishte disa aksione të bukura nga të dyja palët.

Gjelat e filluan takimin më mirë, duke dominuar, me Karim Benzeman që në minutën e gjashtë tentoi të gjente ndonjë bashkëlojtar në zonë, por harkimi i tij u bllokua.

Foto: UEFA.com

Rasti më kontrovers në këtë takim ishte kur Jules Kounde (31’), luajti me dorë, por VAR-i bëri me shenjë se nuk ishte e qëllimshme dhe Spanja nuk mori penallti.

Reklama

Më pas, Franca lëshoi edhe një mundësi të mirë përmes Benzemas që nuk arriti të kthehej me kohë, për të pasuar te bashkëlojtarët, duke e humbur topin.

Reklama

Foto: UEFA.com

Spanja tentonte më shumë nga kundërsulmet, por mbrojtja e francezëve ishte tejet stabile dhe nuk lëshoi hapësira.

Franca më pas mbeti pa Raphael Varanen në fushë, shkaku që pësoi lëndim dhe lëshoi vendin për Dayot Upamecanon në minutën e 43-të.

Foto: UEFA.com

45 minutat e dytë filluan mjaftë furishëm, duke u shënuar dy gola të shpejtë.

Ishte minuta e 64-të, kur Furia e Kuqe e zhbllokoi sfidën me një gol të realizuar nga Mikel Oyarzabal, që u asistua nga Sergio Busquets.

Reklama

Por, gëzimi i spanjollëve zgjati vetëm dy minuta, pasi Gjelat i barazuan shifrat në 1-1.

Foto: UEFA.com

Ishte Karim Benzema që pranoi një asistim nga Kylian Mbappe në minutën e 66-të, për të realizuar një gol të bukur nga këndi i vdekur.

Reklama

Derisa u mendua se ndeshja po shkonte në vazhdime, Mbappe nuk mendoi kështu dhe shënoi golin e epërsinë për Francën.

Ishte minuta e 80-të, kur Theo Hernandez asistoi për asin e PSG-së, që arriti të mposht me lehtësi Unai Simonin.

Kështu, Franca e fitoi trofeun, i dyti që jepet në garën më të re të UEFA-s, me Portugalinë që tani është nënkampion. /Telegrafi/

Reklama