Stil Shtëpi dhe dekor Këshilla dhe ide

Transformimi i një banese të vogël: 46m² për pushime familjare

Para 7 muajve

Një banesë e vogël në një pushimore malore u transformua tërësisht duke hapur hapësirën duke prishur muret ndarëse ekzistuese

Me ndarje xhami, zoonimi funksional dhe loja me materiale, është krijuar një banesë moderne, relaksuese për pushim familjar.

Enterieri i banesës në pushimoren e njohur malore është krijuar me kërkesë të klientit për të projektuar një vend funksional për pushimin e një familjeje treanëtarëshe, në mënyrë që të kombinohen cilësitë e jetës në qytet dhe në natyrë.

Studio New How nga Çekia filloi sfidën e rimodelimit të një hapësire të vogël, duke marrë parasysh të gjitha specifikat dhe kufizimet e saj, transmeton Telegrafi.

Transformimi i banesës së vogël filloi me prishjen e mureve ndarëse dhe vendosjen e një ndarjeje xhami

Transformimi filloi duke liruar hapësirën, pra duke prishur të gjitha muret ndarëse ekzistuese, përveç banjës, e cila hapi pamjen nga e gjithë banesa dhe solli shumë më shumë dritë në të.

Megjithëse organizimi hapësinor nuk ka ndryshuar në thelb, heqja e ndarjeve masive i dha hapësirës një karakter krejtësisht të ri dhe një atmosferë lehtësie dhe ajrosjeje.

Zoonimi dhe shtrirja funksionale në ambientin e hapur të ndenjes është arritur përmes pozicionimit të menduar të mobilieve, përdorimit të ngjyrave dhe tapetave të murit.

Ndër materialet e përdorura dominon druri i lisit në një kontrast të nuancave natyrale dhe të errëta, të përdorura për të bërë mobile me porosi, si dhe mbulesa tavani dhe muri. Përsëritja e vazhdueshme e të njëjtit material në dy nuanca të lidhura shtesë krijoi vazhdimësi hapësire.

Dizajni i bukur i varëses prej kristali të fryrë me dorë sjell një bukuri unike në brendësinë e banesës

Një moment dramaciteti, efektiv dhe i papritur, është sjellë në hapësirën e dizajnit minimalist nga varëset luksoze të bëra me dorë.

Me organizim funksional dhe zgjidhje praktike, hapësira në dispozicion shfrytëzohet në maksimum

Me një vëmendje të veçantë është projektuar një hapësirë e madhe magazinimi, në mënyrë që të ruhet ajrosja dhe ambienti i pakufizuar, si dhe familja të ketë hapësirë të mjaftueshme për të gjitha gjërat e veta.

Zona e natës, dhoma e gjumit e prindërve, ndahet nga një ndarje rrëshqitëse prej xhami me lartësi të plotë, e cila siguron qetësinë dhe izolimin e pjesshëm të nevojshëm dhe në të njëjtën kohë mbështet konceptin e hapjes dhe transparencës së hapësirës.

Si dhoma e gjumit ashtu edhe dhoma e ndenjes kane akses direkt në tarracë, e cila lejon kontaktin e drejtpërdrejtë me ambientin magjik malor.

Banjo ka ruajtur dimensionet dhe paraqitjen e saj, por është modernizuar dhe projektuar në përputhje me pjesën tjetër të brendshme.

Pllakat me format të madh në një model betoni, pasqyrat dhe një dizajn i reduktuar i vijave të drejta e bënë banjën të duket më e gjerë, dhe falë drurit dhe ndriçimit të përdorur këtu, edhe më e ngrohtë.

Hapja e hapësirës, funksionet e mbivendosura dhe loja me materialet kanë krijuar një apartament funksional modern nga një apartament tipik malor, i cili lidh aspekte të ndryshme të stilit të jetesës urbane e malore dhe plotëson nevojat e një pushimi familjar.