Trajneri i Zvezdas, Milojevic: Gëzohemi që po shkojmë të luajmë në mesin e bashkëqytetarëve tanë në Kosovë

Trajneri i Crvena Zvezdas, Vladan Milojevic, ka folur para ndeshjes së 1/16 të finales së Kupës së Serbisë, të cilën skuadra e tij e luan kundër ekipit ilegal nga Kosova, Trepça, në Mitrovicë.

Ndeshja është caktuar të zhvillohet të mërkurën nga ora 14:00, ndërkohë që është raportuar se ekipi serb tashmë është nisur drejt vendit tonë.

“Crvena Zvezda ka gjithmonë pritje të mëdha. Për dy vite prej se jam trajner, na ka munguar suksesi në Kupën e Serbisë. Megjithatë, këtë vit jemi të vendosur ta kërkojmë edhe trofeun që na mungon në vitet e fundit në vitrina.

“Po ia fillojmë nga Mitrovica e Kosovës, ndjehemi mirë që po shkojmë të luajmë një ndeshje në mesin e bashkëqytetarëve tanë në Kosovë”, ka deklaruar Milojevic për faqen zyrtare të klubit.

Lexo po ashtu Crvena Zvezda niset drejt Kosovës, klubi poston foto nga nisja e lojtarëve

“Jemi shumë të gëzuar që do ta kemi mundësinë të takohemi me popullin tonë, të cilin e dimë se në çfarë situate ndodhet. Do të japim gjithçka nga vetja që të bëjmë lojë të mirë në një atmosferë sportive, jam i sigurt se do të ketë shumë publik. Nga ana tjetër, edhe për ata është gëzim i madh që do t’i shohin lojtarët e Crvena Zvezdas”.

“Është eveniment i madh sportiv, ndërsa vet shoqërimi para dhe pas ndeshjes, si edhe takimi me ta, do të paraqesë kënaqësi të madhe për të gjithë ne, zemrat tona do të jenë të plotësuara”, ka shtuar trajneri Milojevic. /Telegrafi/

Milojević: Radujem se odlasku na #Kosovo

⏯ https://t.co/tyCohi6eLb

🔴⚪️#fkcz pic.twitter.com/pAk5zdDdNf

— FK Crvena zvezda (@crvenazvezdafk) October 8, 2019