Ish-deputetja e Kuvendit të Kosovës, kryetarja e Lëvizjes Evropiane të serbëve nga Kosova, Rada Trajkoviq mendon se presidenti Vuçiq ka humbur autoritetin tek serbët në Kosovë dhe se ndarja e Kosovës do të ishte zgjidhja më e keqe.
Trajkoviq në një intervistë për ‘FoNet’, ka vlerësuar se, gjatë arrestimit të fundit të Marko Gjuriqit në Mitrovicë dhe dëbimit të tij nga Kosova, është përdorur forcë e tepruar, por se “populli nuk e ka të qartë se çfarë ka ndodhur”.
“Serbët janë të frikësuar, panë se dikush po rrihej, se hynë në sallë, dhe si tërhiqet përfaqësuesi i shtetit serb në rrugët e Prishtinës, sikur e linçonin”, shpjegoi Trajkoviq, duke theksuar se qëllimi ishte “të antagonizohen më tej serbët dhe shqiptarët në Kosovë dhe të inkurajohet urrejtja ndaj Serbisë”, përcjell Telegrafi.
Ajo mendon se “kohët e fundit shumë gjëra për Kosovën po negociohen prapa skenave dhe se është e pabesueshme se edhe rasti në Mitrovicë të mos jetë ashtu”.
E pyetur se kush po bën marrëveshje të tilla, Trajkoviq tha “presidenti Vuçiq dhe zoti Hashim Thaçi”, për dallim që sipas saj “ndërhyrjen e fundit e kanë organizuar Kadri Veseli dhe Hashim Thaçi”.
“Strukturat policore që kryen këtë aksion janë nën kontrollin e drejtpërdrejt të Presidentit të Kosovës”, pohon Trajkoviq, por shton se Ramush Haradinaj ishte kundër tij.
“Beogradit i konvenon, sepse i është dhënë premtimi (Angela) Merkelit se së shpejti do të dalë me një marrëveshje të ligjshme, të cilën opinioni publik në Serbi nuk e pranon”, shpjegoi Trajkoviq.
“Në anën tjetër, Thaçit i konvenon, sepse Gjykata Speciale fillon të funksionojë”, kujtoi Trajkoviq dhe ka vlerësuar se “ai duke krijuar situata të jashtëzakonshme, pengon rrjedhjen e ligjshmërisë”.
Trajkoviq mendon se deputetët Listës Serbe nuk do të dalin nga Qeveria e Kosovës për shkak se “Haradinaj, nga dëshira që të mbijetojë në pushtet, tashmë është duke negociuar me serbët e tjerë, që do t’i merrnin vendet e tyre, e ata nuk do të largohen”.
Kur u pyet për aksionin policor në Mitrovicë, Trajkoviq ajo tha se për këtë mendon pragmatikisht.
“Marrëveshja e Brukselit u nënshkrua, integrimi u pranua, delegatët dhe deputetët serbë u zgjodhën sipas ligjeve të Kosovës, ata duhet ta respektojnë Kushtetutën”, tha Trajkoviq dhe deklaroi se nuk mund të veprojnë përtej asaj që është nënshkruar.
Ajo ‘ka frikë’ se veprimi i ardhshëm i Prishtinës mund të jetë marrja e Gazivodës dhe rikujton se “për çështjen e energjetikës nuk është arritur marrëveshje në Bruksel, por nëse shihet institucionalisht, ai është territor i Kosovës”.
Trajkoviq tërheq vërejtjen se ndarja e Kosovës do të ishte zgjidhja më e keqe, që do të thoshte destabilizim i rajonit dhe sigurisht edhe Serbisë.
Paralajmërimin e udhëheqësve të serbëve të Kosovës, që nga 20 prilli, do të nisin themelimin e Asociacionit të Komunave Serbe, pa Prishtinën, Trajkoviq e krahason këtë me rastin “Krainën Serbe” në Kroaci, e që do të përfundonte si atje. /Telegrafi/
Promo
Reklamo këtuLufta Prigozhin - Putin
Më shumëZeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare