Tori Spelling ka konfirmuar se do të rikthehet hit drama e viteve të nëntëdhjeta, “Beverly Hills, 90210”, në të cilën do të luajnë disa prej protagonistëve origjinalë të serialit.

Reklama

Gjatë një interviste për Access Hollywood, aktorja ka thënë se është duke u punuar për një version të ri të serialit që do të jetë më shumë si vazhdim dhe jo si një ribërje e plotë.

Tori Spelling (Foto: Michael Buckner/Getty Images/Guliver)

“Fansat do të befasohen për të mirë, sepse do të ndërhyjmë më skena nga seriali origjinal. Kështu që do të jetë ekipi i plotë që luan versionin e rritur të tyre”, ka thënë 45-vjeçarja (e cila në serial ka luajtur rolin e Donna Martin).

Reklama

Ajo nuk ka përmendur emra se kush do të rikthehet në serial, ndërkohë që shumë prej yjeve janë të zënë me punë të tjera në jetën e tyre.

Reklama

Luke Perry (që ka luajtur rolin e Dylan McKay) është duke luajtur një rol të rëndësishëm në “Riverdale”. Pastaj, Shannen Doherty (që ka luajtur rolin e Brenda Walsh) ka pasur probleme shëndetësore në vitet e fundit, ndërsa ka pasur edhe disa mosmarrëveshje me realizuesit e serialit.

Shannen Doherty në rolin e Brenda Walsh (Foto: Paramount Pictures/Newsmakers/Guliver)

Mirëpo, Tori, e cila është vajza e producentit Aaron Spelling, dëshiron që pjesë e episodeve të reja të jetë edhe Doherty.

Reklama

Jason Priestley (Brandon Walsh), Jennie Garth (Kelly Taylor), Ian Ziering (Steve Sanders), Brian Austin Green (David Silver) – kanë qenë disa prej yjeve kryesore të “Beverly Hills, 90210”. /Telegrafi/