Tjetër parashikim i saktë nga “The Simpsons”: Tani për ndeshjen mes Anglisë dhe ShBA-së

Fansat kanë bërë shaka në Twitter duke thënë se Simpsons parashikuan barazimin e Anglisë me ShBA-në vite më parë.

Tre Luanët u stopuan nga amerikanë në ndeshjen e rrethit të dytë në Kampionatin Botëror, përkatësisht në Grupin B.

Ky rezultat e la Anglinë ende në krye të grupit me katër pikë, një përpara Iranit të vendit të dytë.

ShBA-ja, e cila përballet me Iranin të martën, janë të tretit me dy pikë pas barazimeve të njëpasnjëshme.

Dhe Uellsi, me të cilin Anglia përballet në ndeshjen e fundit të Grupit B, është në fund me një pikë.

Kjo do të thotë se Tre Luanët do të kualifikohen për fazën e eliminimit direkt nëse shmangin humbjen 4-0 ndaj Uellsit.

Megjithatë, praktikisht garantimi i një vendi në këtë fazë dështoi t’i ndalonte tifozët që të shpërthejnë në rrjetet sociale për performancën e Anglisë.

Tani shumë janë të bindur se “The Simpsons” ka parashikuar sërish të ardhmen në mënyrë drithëruese.

Në një episod të marsit 2014 të titulluar “Ju nuk duhet të jetoni si një gjyqtar”, Simpsons parashikuan me saktësi se Gjermania do të fitonte Kupën e Botës atë verë.

Kjo pasoi nga një sërë parashikimesh të tjera që përfundimisht u realizuan – përfshirë Donald Trump që të bëhej president i SHBA-së.

Dhe tani shumë besojnë se episodi i vitit 1997 “The Cartridge Family” mund të ketë krijuar skenën për barazimin e Anglisë.

The Simpsons predicted this. pic.twitter.com/nInbpZxhot

— No Context USA (@NoContextUSA) November 25, 2022

Homer Simpson, gruaja Marge dhe fëmijët Bart dhe Lisa panë një reklamë televizive për një ndeshje që do të përcaktojë “cili është kombi më i madh në Tokë” – por vetëm disa sekonda pas saj, i pari dëgjohet duke bërtitur “e mërzitshme”.

Dhe ai klip u rishfaq shpejt pas kohës përfundimit të ndeshjes në Katar, me një postim në Twitter: “Simpsons e parashikuan këtë”.

Një tjetër shkroi: “Unë po mendoja fjalë për fjalë për këtë ndërsa po e shikoja”.

Një tifoz tjetër komentoi: “Anglia dhe ShBA-ja imituan fjalë për fjalë episodin e Simpsons ku talleshin me futbollin”.

Ndërsa një tjetër shkroi: “Në dreq, The Simpsons parashikuan ndeshje e Anglisë kundër ShBA-së”. /Telegrafi/