Tensioni është rritur ndër tifozë në ndeshje gjysmëfinale të Kupës së Italisë, ndërmjet Milanit dhe Lazio, pasi mbështetësit e kësaj të fundit kanë kënduar kore raciste kundrejt lojtarëve Rossonerë.

Tifozët e Biancocelestëve e kanë shpalosur një baner me mbishkrimin “Në nder të Benito Mussolinit” dhe kanë bërë përshëndetje fashiste në afërsi të Piazzale Loreto, ku është lidhur trupi i liderit të dikurshëm fashist nga partizanët në ditët e fundit të luftës.

Të enjten është 25 prilli, Festivali i Çlirimit në Itali që shënon çlirimin nga fashizmi, prandaj kjo ndeshje është shfrytëzuar si pretekst për të vënë në pah një protestë politike.

Të gjitha lajmet nga Lazio Të gjitha lajmet nga Lazio

Tifozët e Lazios janë xhiruar jashtë San Siros duke kënduar kore raciste kundrejt dy lojtarëve të Milanit, Tiemoue Bakayoko dhe Franck Kessie, të cilët e kishin ngacmuar mbrojtësin e Biancocelestëve, Francesco Acerbi.

Theksojmë se ndeshja kthyese ndërmjet Milanit dhe Lazios është zhvilluar për ta caktuar finalistin e Kupës së Italisë. /Telegrafi/