Tetë kandidatët për president të Barcelonës pas largimit të Bartomeut

Dorëheqja e Josep Maria Bartomeu do të thotë se gara elektorale është duke u zhvilluar, ndërsa lufta për t’u kurorëzuar si presidenti i ardhshëm i Barcelonës tani kalon në fazën tjetër.

Zgjedhjet nuk janë thirrur zyrtarisht ende, diçka që do të ndodhë brenda tre muajve, por emrat vetëm kanë filluar të qarkullojnë.

Deri tani pesë emra kanë njoftuar qëllimin e tyre, ndërsa tre të tjerë pritet ta bëjnë këtë.

Kjo do të thotë që tetë emra janë në garë, por mundësia e shfaqjes së një kandidati tjetër nuk mund të përjashtohet.

Viktor Font

I pari që njoftoi synimin e tij për tu zgjedhur është Font dhe ai po përgatitet tash e sa kohë. Qëllimi kryesor i tij është rregullimi rrënjësor i të ardhurave të klubit, duke konsideruar që modeli aktual është i keq. Që nga fillimi, Xavi Hernandez ka qenë një pjesë integrale e projektit të tij. Font gjithashtu pritet të favorizohet nga votuesit që janë pro pavarësisë dhe ai shihet favorit edhe nga qeveria katalanase.

Agusti Benedito

Një kandidat në dy zgjedhjet e fundit presidenciale, Benedito ka qenë më i qetë kohët e fundit dhe ende nuk ka njoftuar zyrtarisht kandidaturën e tij.

Toni Freixa

Një kandidat në vitin 2015, Freixa ka konfirmuar se do të paraqesë veten përsëri në këto zgjedhje. Kur Sandro Rossell ishte president, Freixa zuri pozicione të ndryshme në bord dhe ishte përfaqësuesi i klubit në Federatën Spanjolle të Futbollit. Ai ishte gjithashtu i përfshirë nën drejtimin e Bartomeut, por u largua në vitin 2015.

Jordi Farre

Pasi nuk grumbulloi nënshkrime të mjaftueshme për të marr pjesë në votim në vitin 2015, Farre ishte forca lëvizëse e përpjekjes për të larguar Bartomeun, e cila pa dyshim do t’i shërbejë atij mirë për të shkuar në këto zgjedhje.

Joan Laporta

Laporta ende nuk ka njoftuar për kandidaturën e tij, por ai synon ta bëjë këtë. Ish-presidenti do të mund të merrte mbështetje pasi ka trashëgimi mbresëlënëse në klube me emra si Frank Rijkaard, Leo Messi, Ronaldinho dhe Pep Guardiola.

Xavi Vilajoana

Pasi shërbeu në bord nën drejtimin e Bartomeut, ish-lojtari i të rinjve të Barcelonës do të duhet të luftojë kundër disa miqve. Ai ka qenë përgjegjës për të rinjtë dhe futbollin e grave në klub dhe babai i tij është gjithashtu ish-anëtar i bordit.

Emili Rousaud

Ish-nënkryetari i Bartomeu, Rousaud supozohej të ishte kandidati i vazhdimësisë. Sidoqoftë, ai u largua nga pozicioni i tij pas skandalit ‘Barcagate’ pasi nuk kishte njohuri për këtë çështje. Ai po kërkon të formojë një bord konsensusi për të ecur përpara.

Lluis Fernandez

Ai deklaroi qëllimin e tij për të qëndruar muaj më parë dhe ka pasur një rol aktiv në mbledhjen e nënshkrimeve për mocionin e mosbesimit.

Megjithatë, ka të ngjarë që ai të bëjë një marrëveshje me një kandidat tjetër. /Telegrafi/

Nga këta tetë kandidatë, cili besoni se do të ishte i duhuri për Barcelonën?

Shprehuni në hapësirën për komente më poshtë.