LAJMI I FUNDIT:

“Tërmeti Cristiano” – problemet e tij e kushtëzojnë Portugalinë, Ronaldo kërcënoi me largim

“Tërmeti Cristiano” – problemet e tij e kushtëzojnë Portugalinë, Ronaldo kërcënoi me largim

Gazeta portugeze Record ka publikuar një artikull ekskluziv ku flet për kërcënimin e Cristiano Ronaldos për t’u larguar nga ekipi i Përfaqësueses së Portugalisë, pas raporteve të tensionuara me trajnerin Fernando Santos shkaku i zgjedhjeve të tij, për të zëvendësuar në disa ndeshje dhe për ta lënë rezervë në takimin e fundit ndaj Zvicrës.

“Në nxehtësinë e bisedës me trajnerin, kur mësoi se nuk do të ishte në formacionin titullar…, mendoi për më të keqen”, nis të analizojë gazeta portugeze Record, momentet kyçe të Cristiano Ronaldos pasi mësoi për zëvendësimit të tij ndaj Zvicrës në Botërorin e “Katar 2022”.

Një bombë që nuk kanë ngurruar ta nxjerrin në pah në ballinën e gazetës së tyre: “Ronaldo kërcënoi të largohej”, shkruan titulli.

Ballina e gazetës Record

Historia nis me ndeshjen e fazës së grupeve mes Portugalisë dhe Koresë së Jugut. Në minutën e 65-të dhe me rezultatin 1-1, Fernando Santos vendosi të bëjë një lëvizje. Një ndryshim i trefishtë që dërgon Ronaldon në bankinë dhe që përfundon me një reagim kontrovers nga ‘CR7’ në fushë.

“Je në një nxitim të dreqit për të më larguar”, ishin fjalët që u përcollën nga media portugeze CMTV. Zemërimi ishte më se i dukshëm dhe përgjigja e trajnerit portugez nuk vonoi.

Zemërimi dhe zëvendësimi i Cristianos

“Kam parë imazhet e ndryshimit të Cristianos dhe nuk më pëlqeu aspak reagimi i tij. Por prej andej, këto çështje zgjidhen në shtëpi dhe është koha të mendojmë për ndeshjen e nesërme, në të cilën jemi të gjithë të fokusuar”, tha Fernando Santos në konferencën për shtyp para ndeshjes kundër Zvicrës.

Megjithatë, vendimi ishte marrë tashmë. Cristiano Ronaldo do të ishte zëvendësues në një ndeshje vendimtare për Portugalinë.

Santosit nuk i pëlqeu reagimi i Cristianos për ndryshimin… dhe futbollisti ishte akoma më pak i kënaqur kur mësoi se nuk do të shfaqej në 11-shen e parë kundër Zvicrës.

Sipas gazetës Record, sulmuesi portugez ka kërcënuar se do të largohet gjatë një diskutimi me trajnerin (një ekskluzivitet që federata portugeze e mohon). Ronaldos nuk i pëlqen roli që ka në këtë Botëror dhe e ka bërë të ditur.

Përveç kësaj, mediat portugeze sigurojnë se ylli portugez e rishikoi pozicionin e tij shumë shpejt pasi ishte i vetëdijshëm për rëndësinë e momentit dhe pasojat shkatërruese që mund të ketë në Kupën e Botës. Dhe është se në Portugali gjithçka duhet të jetë gëzim, pas fitores 6-1 ndaj Zvicrës, por hallet e vazhdueshme të Cristiano Ronaldos kushtëzojnë gjithçka.

Nuk u stërvit me zëvendësuesit e Portugalisë

‘Tërmeti Cristiano’ nisi dje. Titullarët stërviteshin në palestër dhe sulmuesi qëndroi me ta. Nga përqendrimi i Portugalisë ata siguruan se Ronaldo nuk kishte ndonjë shqetësim dhe se ishte në gjendje perfekte, ndaj ishte për t’u habitur që ai nuk ishte me grupin e zëvendësuesve që punonin në fushën e stërvitjes.

Një vendim që habiti shtypin portugez, i cili e ka zhvendosur kampin e tij në Katar. Të gjithë prisnin që Cristiano të dilte me grupin e futbollistëve që nuk luajtën nga minuta e parë, për të kryer ushtrime të ndryshme nga titullarët, të cilët punonin me intensitet më të ulët për shkak të ngarkesës së minutave, por numri 7 nuk u shfaq në ‘vend trajnimi’. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Sacchi sugjeron katër nënshkrime të verës për Milanin dhe shpreson që Pioli të qëndrojë

Sacchi sugjeron katër nënshkrime të verës për Milanin dhe shpreson që Pioli të qëndrojë

Serie A
Guardiola i fiksuar pas nënshkrimit të yllit të Ligës Premier

Guardiola i fiksuar pas nënshkrimit të yllit të Ligës Premier

Premier League
Kalo në kategori