Ten Hag kthehet të flasë për humbjen nga Liverpooli dhe formën e Bruno Fernandes

Erik Ten Hag ka folur para ndeshjes me Real Betis në Ligën e Evropës,  por që u ndal të flas edhe për humbjen turpëruese ndaj Liverpool.

Në fundjavë Man Utd humbi 7-0 ndaj rivalit të përbetuar, duke bërë një paraqitje të keqe në ‘Anfield’.

“Lojtarët kanë reaguar pas humbjes me Liverpoolin. Gjithmonë ka pengesa rrugës. Kishim vetëm një humbje në 23 ndeshje”.

“Ajo humbje ndaj Liverpool na jep mësime për të ardhmen, të shohim përpara. Jemi në të njëjtën barkë, fitojmë e humbim së bashku. Duhet të përqendrohemi te ndeshja e radhës”, ka thënë Ten Hag.

Lexo po ashtu Ten Hag miraton shitjen e dy yjeve të ekipit të Man Utd

Kapiteni Bruno Fernandes është kritikuar shumë pas duelit me Liverpool, por tekniku holandez nuk ka rezerva për mesfushorin.

“Bruno po bën sezon fantastik, po i jep energji ekipit. Askush nuk është i përsosur, të gjithë gabojnë. Ai ka luajtur rol të rëndësishëm në ecurinë tonë”.

“Vrapo me intensitet, u tregon lojtarëve çfarë të bëjnë, është frymëzim për gjithë ekipin. Jam i lumtur që e kam Brunon dhe jam i kënaqur me të si kapiten kur nuk është Maguire në fushë”, nënvizoi holandezi. /Telegrafi/