Të shtëna me armë janë raportuar pranë Shtëpisë së Bardhë, ku dyshohet se janë shkrepur rreth 20 deri në 30 plumba.

Shërbimi Sekret Amerikan ka urdhëruar gazetarët e mbledhur në North Lawn që të futen menjëherë brenda sallës së konferencave për siguri.

Raportohet se presidenti Donald Trump ndodhet në Shtëpinë e Bardhë.

Agjentët e Shërbimit Sekret Amerikan kanë qëlluar për vdekje personin që, sipas autoriteteve, iu afrua një pike sigurie pranë Shtëpisë së Bardhë dhe hapi zjarr ndaj tyre.

- YouTube www.youtube.com

Agjentët iu kundërpërgjigjën me armë dhe goditën të dyshuarin, i cili më vonë ndërroi jetë në një spital të zonës.

“Gjatë të shtënave, edhe një kalimtar u godit nga plumbat. Ende nuk është e qartë nëse ai u plagos nga të shtënat fillestare të të dyshuarit apo gjatë shkëmbimit të zjarrit,” deklaroi zëdhënësi i Shërbimeve të Sigurisë.

Sipas autoriteteve, asnjë efektiv i Shërbimit Sekret nuk mbeti i plagosur.

Gjithashtu, as Trump nuk u prek nga incidenti. /Telegrafi/

AmerikaNga BotaBotë