Mbrojtësi i Paris Saint-Germain, Layvin Kurzawa, postoi foto me reperin Drake, para ndeshjes që Paris Saint-Germain e zhvilloi me Lillen, ku në fund rezultati ishte ndoshta më i keqi në vitet e fundit.

Djelmoshat e Thomas Tuchel pësuan humbjen më të madhe në kampionat pas 19 vitesh, duke pranuar pesë gola.

Ndoshta dikush duhet t’i ketë shpjeguar Kurzaws se ka një ‘mallkim’, për fotografimet me reperin kanadez. Më mirë kjo të shpjegohet ngadalë që ta marrin vesh të gjithë.

Sa herë që dikush fotografohet me muzikantin kanadez, e që është pjesë e sportit, ai klub pëson humbje.

Kjo fillon nga ekipi i basketbollit Kentaki, i cili nuk ka fituar titullin që nga viti 2012, tek Toronto Raptors, të cilët nuk kanë arritur te një finale në vite. Ka shumë shembuj të tillë dhe kjo fundjava e dëshmon këtë.

Ka shumë shembuj që e dëshmojnë ‘Mallkimin Drake’ dhe për këtë klubi i Serie A, Roma, ka marrë një veprim interesant.

“Të gjithë lojtarët e Romës e kanë të ndaluar të fotografohen me Drake deri në fund të sezonit”, shkruhet në postimin e tyre në Twitter.

Pierre Emerick Aubameyang ishte në një koncert në Londër, ndërsa më pas Arsenali humbi 1-0 ndaj Evertonit.

Mallkimi e preku edhe Jadon Sanchon e Borussia Dortmundin, kur foto doli para humbjes 5-0 nga Bayern Munich.

Dëshironi më shumë shembuj të ‘Mallkimi Drake’? Mirë, shkojmë …

Drake i doli në krahë Conor McGregor për luftën me Khabib Nurmagomedov. Përfundimi dihet.

Më poshtë i gjeni disa ngjarje që Drake shihet si mallkim. /Telegrafi/