Reperja e njohur shqiptare, Tayna, duket se është duke përgatitur diçka të re për fansat e saj.
Këtë ajo e ka bërë të ditur përmes një fotografie të publikuar në rrjetin social Instagram, që mesa duket është shkëputur nga xhirimet e klipit të sa jtë ri.
Tayna është shfaqur mjaft atraktive, ndërsa ka pozuar pranë një veture e veshur me një palë xhinse të shkurtra dhe një xhaketë me material dalmati.
Pran vetes, ajo mbante dy qenë të llojit dalmatë, e që mesa duket janë frymëzim nga filmi ikonik i fëmijëve, “101 Dalmatians”.
“Unë jam një grua, më dëgjoni duke ulëritur”, shkroi Tayna në mbishkrimin e fotografisë, shoqëruar më pas me një video të aktores Emma Stone, e cila luan rolin e famëkeqes Cruella DeVil.
Filmi me titull “Cruella” i publikuar këtë vit vjen si ripërpunim i “101 Dalmatians”, por me fokus në personazhin Cruella DeVil.
Aktorja së cilës i është besuar ky rol Emma Stone, ka bërë një interpretim fantastik të rolit dhe ka marrë komentet më të mira nga kritikët e filmave.
Duket të jetë ky film që ka inspiruar reperen nga Prizreni për projektin e saj më të ri muzikor. /Telegrafi/
