Stuhia, e cila mori tre jetë njerëzish në Slloveni natën e 3-4 gushtit, ka mbërritur edhe në Kroaci, për këtë arsye është shpallur alarmi i kuq në rajonet e Rijekës dhe Gospiqit, ndërsa një alarm portokalli është shpallur për rajonet e Zagrebit Karlovacit dhe Splitit.
Në Zagreb, siç raporton N1, lumi Sava ka dalë nga shtrati dhe në Veli Loshinj erërat e forta kanë rrëzuar pemët.
Policia sllovene tha për agjencinë sllovene të lajmeve STA se një slloven është mbytur në afërsi të Kamnikut, ndërsa dy holandezë kanë humbur jetën në malet në zonën e Kranjit. Sipas policisë, ende po hetohen rrethanat e sakta të vdekjes.
Termocentrali bërthamor i Kërshkos shpalli gjendjen e jashtëzakonshme të premten në mbrëmje për shkak të prurjeve të mëdha dhe nivelit të lartë të ujit të lumit Sava. Është një gjendje e jashtëzakonshme me shkallën më të ulët të rrezikut në përputhje me Planin Kombëtar të Mbrojtjes dhe Shpëtimit në rast aksidenti bërthamor ose radiologjik, raporton N1.
Siç raporton REL (në gjuhën kroate) menaxhmenti njoftoi se termocentrali bërthamor po punon në mënyrë të sigurt dhe stabile dhe grupi i ekspertëve po monitoron ngjarjen dhe do të vazhdojë të informojë publikun, transmeton Telegrafi.
Agjencia sllovene e mjedisit, ARSO, ka lëshuar një alarm moti në nivelin më të lartë pasi sasia mesatare e shiut që bie brenda një muaji ka rënë në 24 orë në pjesët veriore, veriperëndimore dhe qendrore të Sllovenisë.
Presidentja Natasha Pirc Musar shprehu ngushëllimet e saj për familjet e viktimave dhe apeloi qytetarët që “të qëndrojnë të lidhur dhe të mbështesin njëri-tjetrin në këtë moment të vështirë dhe të kujdesen për të moshuarit dhe njerëzit e tjerë të cenueshëm që kanë nevojë për ndihmën dhe mbështetjen tonë”.
Kryeministri slloven Robert Golob e ka ndërprerë pushimin vjetor.
Ushtria po ndihmon personelin e shërbimit emergjent në operacionet e shpëtimit dhe rehabilitimit.
Medvode në Slloveni, 4 gusht 2023.
Sipas njoftimeve të mediave lokale, shumë vende janë përmbytur, qindra zjarrfikës dhe anëtarë të shërbimeve të tjera të urgjencës janë në terren dhe kudo dëgjohen sirenat që paralajmërojnë rrezikun, transmeton Telegrafi.
Një alarm i kuq i motit është në fuqi për Slloveninë verilindore, veriperëndimore dhe qendrore, ndërsa në disa zona si Celje janë dëgjuar edhe sirena të alarmit.
Ushtria sllovene publikoi një video ajrore që tregon shkallën e dëmtimit në atë qytet slloven.
Popoldanski zračni posnetki posadke helikopterja @Slovenskavojska razkrivajo razsežnost poplavljenih območij na širšem območju Celjskega. Slovenska vojska z vsemi akterji nacionalno-varnostnega sistema daje vse od sebe, da pomaga prizadetim. #poplave23 #vSlužbiDomovine pic.twitter.com/PddA6RF6i0
— Slovenska vojska (@Slovenskavojska) August 4, 2023
Siç raporton agjencia sllovene e lajmeve STA, gjatë natës zjarrfikësit pompuan ujë nga ndërtesat e përmbytura, mbrojtën disa rrëshqitje dheu, hoqën rrënojat poshtë urave dhe shpëtuan automjete të zhytura nga rrugët e përmbytura, transmeton Telegrafi.
Tri kampe janë evakuuar.
Rruga në qytetin e Poljanës është përmbytur mbrëmë, kurse uji ishte aq i rrëmbyeshëm sa në një moment ka marrë veturën në të cilën ndodhej një grua, raporton TV rajonal N1.
Sipas të dhënave të Administratës për Mbrojtje dhe Shpëtim, në 12 orët e fundit janë regjistruar më shumë se 1,000 incidente, ndërsa në ndihmë kanë dalë zjarrfikësit nga 168 njësi zjarrfikëse.
Për shkak të situatës në vendet fqinje, në Kroaci pritet një rritje e ndjeshme e nivelit të ujit të lumenjve Mura, Drava dhe Sava.
Alarmi i motit është aktivizuar edhe në Bosnjë dhe Hercegovinë.
Stuhi të përmasave të mëdha priten edhe në Itali. Në Milano, parqet, zonat e gjelbra dhe varrezat u urdhëruan të mbyllen, dhe sipas La Stampa, tregjet në rrugët ku ka pemë u pezulluan gjithashtu. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Mallkimi i Faraonit: Mitet dhe realiteti i varreve egjiptiane
Blinken në Tel Aviv: Hamasi duhet të pranojë propozimin për armëpushim
Ukrainasit sërish sulmojnë me dron një rafineri nafte në Rusi
Mercenari serb që lufton për rusët në Ukrainë i ankohet Putinit, thotë se nuk iu dha shtetësia ruse
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit