Përfaqësuesja e Zvicrës nuk ka arritur të mbajë epërsinë pasi ka pranuar gol në fund dhe ka barazuar 1-1 me Spanjën në kuadër të grupeve të Ligës së Kombeve.

Reklama

Helvetikët ishin afër të merrnin një fitore të madhe në shtëpi ndaj Spanjës në kuadër të ndeshjes së pestë të Grupit 4 në Ligën A, por nuk ia arritën në fund.

Pjesa e parë e ndeshjes u karakterizua me lojë thuajse të barabartë, me Spanjën më kërkuese, por me Zvicrën që gjeti golin.

Goli i vetëm në këtë pjesë erdhi në minutën e 26-të dhe ishte Remo Freuler që shënoi për 1-0 pas një kundërsulmi të shpejtë dhe një veprimi të mirë nga Breel Embolo.

Reklama

Në pjesën e dytë, Spanja ishte dukshëm më e mirë dhe më kërkuese, ndërsa edhe pse humbi dy penallti, në fund arriti të gjej golin e barazimit, kjo falë edhe asaj që Zvicra mbeti pa mbrojtësin Nico Elvedi (79’).

Reklama

Sergio Ramos ishte figura tragjike duke humbur penalltinë e parë në minutën e 57-të dhe të dytën në minutën e 80-të, apo thënë më saktë të dy goditjet u priten nga portieri Yann Sommer.

Ramos humbet penalltinë e dytë radhazi ndaj Zvicrës, Sommer ia ‘kapë si mollë’ Ramos humbet penalltinë e dytë radhazi ndaj Zvicrës, Sommer ia ‘kapë si mollë’

Megjithatë, Spanja e gjeti golin e barazimit në minutën e 89-të me anë të Gerard Moreno, i cili shënoi për 1-1 dhe me këtë rezultat u mbyll ndeshjes.

Reklama

Pas këtij barazimi, Spanja e sheh veten në pozitën e dytë me tetë pikë, ndërsa Zvicra e katërta me tri pikë.

Në ndeshjen e fundit të grupeve, Zvicra e pret Ukrainën, ndërsa Spanja e pret Gjermaninë e vendit të parë. /Telegrafi/