Spalleti refuzoi t’ia jepte dorën trajnerit kundërshtar, Spartak Moska tallet me një meme për kapjen e Saddam Husseinit

Kanali i Spartak Moskës në rrjetet sociale ka vazhduar të tallet me Napolin dhe trajnerin Luciano Spalletti duke përdorur një meme të bazuar në kapjen e Saddam Hussein.

‘Armiqësia’ ndërmjet dy klubeve filloi në ndeshjen e parë në Stadio Diego Armando Maradona, ku skuadra ruse fitoi me rezultat 3-2.

Ata postuan disa mesazhe tallëse në Twitter, mirëpo gjërat eskaluan këtë mbrëmje (e mërkurë) pasi ekipi moskovit fitoi me rezultat 2-1.

Two emojis to describe this? Hmm…

😎 and 🤡

So much for fair play. pic.twitter.com/z3x7Qaxyys

— FC Spartak Moscow (@fcsm_eng) November 24, 2021

Spalletti refuzoi t’ia jepte dorën trajnerit të Spartakut, Rui Vitoria, ashtu që faqja e klubit rus e quajti kloun.

Më pas, ata shfrytëzuan një reagim të strategut italian nga humbja në shtëpi, me premtimin e tij se do ta shihnin se çfarë do t’u ndodhte në Moskë.

“Zonja dhe zotërinj, e kemi kapur”, është përshkrimi.

Ky klip është një meme nga Paul Bremer, i cili në dhjetor të vitit 2003 njoftoi se forcat amerikane e kanë kapur diktatorin e Irakut, Saddam Hussein. /Telegrafi/

Ladies and gentlemen, we got 'em.

(last one I promise) pic.twitter.com/pmBVYRgLU2

— FC Spartak Moscow (@fcsm_eng) November 24, 2021