Ipko Superliga e Kosovës ka në orar edhe tri ndeshje tjera që do të zhvillohen gjatë ditës së sotme (e enjte) në kuadër të javës së pestë.

Java e pestë në Superligën e Kosovës zhvillohet për herë të parë në mesjavë, ku gjatë ditës së djeshme (e mërkurë) u luajtën tri takime.

Prishtina fitoi 0-1 në udhëtim te Trepça ’89, Llapi e Drita luajtën baras 2-2, ndërsa Gjilani mposhti minimalisht 1-0 Ballkanin.

Sot zhvillohen edhe tri takimet tjera të mbetura të kësaj jave, ku vëmendja është në stadiumin “Rexhep Rexhepi” në Drenas.

Të gjitha lajmet rreth Superlig së Kosovës Të gjitha lajmet rreth Superlig së Kosovës

Kampioni aktual, Feronikeli është nikoqir i klubit kryeqytetas, Flamurtari, në një ndeshje ku mysafirët vijnë në formë të lartë pas dy fitoreve radhazi.

Interesant pritet të jetë edhe në Vushtrri, ku vendasit e presin Drenicën, ndërsa ndeshja tjetër zhvillohet në Klinë në mes të Dukagjinit dhe Ferizajt.

Të gjitha takimet do të zhvillohen nga ora 16:00. /Telegrafi/