Sot i gjithë Cyrihu frymon shqip: Shqiptarët zviceranë luajnë përballë Kosovës në miqësore speciale

Përfaqësuesja e Kosovës sot (e martë) do të përballet me Zvicrën në kuadër të ndeshjeve miqësore.

Ndeshja që fillon në ora 18:00, do të luhet në stadiumin “Letzigrund Stadion” në Cyrihu.

Kjo është hera e parë që Dardanët luajnë me Helvetikët dhe natyrisht se do të jetë një ndeshje speciale.

🇨🇭🆚 🇽🇰
🕕 18:00 🏟️ Letzigrund, Zürich
📺 SRF 2, RTS 2, RSI La 2
ℹ️ Keine Abendkasse / Caisses du stade fermées / Biglietterie chiuse#natimiteuch #lanatiavecvous #lanaticonvoi pic.twitter.com/D74oz6JNZr

— 🇨🇭 Nati (@nati_sfv_asf) March 29, 2022

Speciale për aspektin se nga ana e Zvicrës luajnë lojtarë si Granit Xhaka, Xherdan Shaqiri, Andi Zeqiri dhe Admir Mehmedi.

Që të katër lojtarët janë shqiptarë, por të lindur e të rritur në shtetin evropian – e asnjëherë nuk e kanë mohuar prejardhjen e tyre, por zgjedhja se për kë të luajnë kishte rrethana tjera.

Kosova natyrisht se do të sfidojnë vetën edhe më shumë ndaj një kundërshtari të tillë, pas fitores 5-0 ndaj Burkina Fasos.

Nga ndeshja e fundit u pa se lojtarët janë në formë të mirë dhe Alain Giresse që debutojë, do të shpresojë që në këtë takim t’i shfaq edhe më mirë taktikat e tij. /Telegrafi/