Sofia Vergara merr vëmendje me dukjen, teksa shijon një natë vajzash në Madrid

Sofia Vergara shkëlqeu në Madrid gjatë një nate vajzash me mikeshat e saj të famshme Eva Longoria dhe Eiza Gonzalez.

Aktorja 52-vjeçare ndau në Instagram disa fotografi të mbrëmjes së veçantë, ku dukej mahnitëse me një bluzë të kuqe gjysmë të tejdukshme dhe xhinse gri.

Në një nga fotografitë, Sofia, Eva dhe Eiza buzëqeshnin të lumtura, ndërsa secila shfaqte stilin e saj të veçantë: Eva me një fund të bardhë me vija blu dhe pulovër të kombinuar, ndërsa Eiza me pantallona të larta ngjyrë kafe dhe një bluzë elegante, shkruan DailyMail.

Në përshkrimin e postimit të saj, Sofia shkroi: “Natë në Madrid me bukuroshet e mia”.

Vergara dhe Longoria, të cilat prej vitesh ruajnë një miqësi të ngushtë, janë parë së fundmi së bashku edhe në New York në një event për muzikalin e ardhshëm në Broadway, Real Women Have Curves.

Përveç netëve të gjalla në qytet, Sofia ka shijuar gjithashtu shëtitjet në Madrid, duke bërë fotografi pranë monumentit Puerta de Alcala dhe duke kaluar kohë me mbesën e saj, Claudia Vergara.

Aktorja ka ndarë edhe momente argëtuese nga pushimet e saj, përfshirë shijimin e ëmbëlsirave dhe promovimin e produkteve nga linja e saj e kujdesit ndaj diellit, Toty. /Telegrafi/