“Skandali më i madh i futbollit në Britani?” – Manchester City rrezikon dënimin më të rëndë ndonjëherë në futboll
Një hetim i ri që mbulon detajet pas 115 shkeljeve të supozuara të ligjit Fair Play-it Financiar nga Manchester City, akuzon klubin për përdorimin e një ‘ndërmjetësi misterioz’ për paratë e sponsorizimit.
UEFA nisi një hetim mbi marrëveshjet e sponsorizimit të Cityt në vitin 2018 pasi uebsajti gjerman Der Spiegel pretendoi se klubi kishte përdorur mjete mashtruese për të anashkaluar rregullat e FFP. Akuzat kishin të bënin me pagesat e ‘sponsorizimit’ prej 35 milionë eurosh ndërmjet viteve 2012 dhe 2013, të cilat thuhej se i ishin faturuar firmës së telekomit Etisalat në Abu Dhabi.
Gjykata e Arbitrazhit Sportiv (CAS) vendosi në vitin 2020 se pagesat në fakt kishin ardhur nga Abu Dhabi United Group (ADUG), grupi i investimeve i udhëhequr nga pronari i Cityt, Sheikh Mansour bin Zayed Al Nahyan. Megjithatë, UEFA u pengua të vepronte sipas gjetjeve të caktuara pasi kaloi pragun pesëvjeçar për akuza të tilla.
Por, The Times ka raportuar se Liga Premier mund të dënojë ende Blutë, me pagesat e 2012 dhe 2013 që pritet të jenë pjesë e 115 akuzave të FFP që po hetohen aktualisht nga organi qeverisës. The Times bëri të ditur se City kishte refuzuar të komentonte mbi këtë.
Një detaj i veçantë nga raportimmi i The Times i referohej një ‘shifër misterioze’ që dyshohet se ka vepruar si ballë për ato dy pagesa prej 20 milionë eurosh. Këto detaje të reja vijnë vetëm pak javë pasi City siguroi trofeun e parë të Ligës së Kampionëve dhe tripletën historike.
Informacioni diskutohet në një video të re dokumentare të titulluar ‘Skandali më i madh i futbollit në Britani?’, i cili është publikuar në YouTube.
UEFA fillimisht e dënoi Cityn me një pezullim dy-vjeçar në garat evropiane në 2019, vetëm që ai të anulohej vitin 2020 nga CAS, për shkak të kohës që ka kaluar nga shkeljet e supozuara. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Gjashtë lojtarë të Barcelonës mund të kenë luajtur ndeshjen e tyre të fundit në shtëpi
Publikohet detaji interesant nga kontrata e Modricit me Real Madridin
Në vitin 2017 punonte në ndërtimtari, ndërsa tani ftohet nga Kroacia për në Euro 2024: Kush është Marco Pasalic
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251