Rey Manaj ka qenë vendimtar në një tjetër ndeshje për skuadrën italiane Spezia.

Sulmuesi shqiptar realizoi gol ndaj Cagliarit në fitoren e Spezias me rezultat të pastër 2-0.

Manaj u inkuadrua në lojë në minutën e 67-të dhe ndryshoi tërësisht lojën e skuadrës së tij gjë që ka marrë edhe lëvdatat e trajnerit Thiago Motta.

Trajneri i Spezias ka folur pas fitores, teksa ka treguar pse vendosi ta lë në bankën rezervë shqiptarin.

“Zgjodha Gyassin titullar për të tentuar më shumë thellësinë, ndërsa Manaj është më tepër një sulmues pozicional. Rey u fut shumë mirë në fushë dhe bëri një punë të shkëlqyer, njësoj si gjithë lojtarët e tjerë”, tha Motta.

Reklama

Tutje Motta shpjegoi se Manaj është shumë i rëndësishëm për Spezian, teksa thotë se e ka merituar respektin e bashkëlojtarëve.

Reklama
Manaj shfaqet i lumtur pas golit: Ishte ndeshje që vlente nëntë pikë Manaj shfaqet i lumtur pas golit: Ishte ndeshje që vlente nëntë pikë

“Rey është shumë i rëndësishëm për grupin dhe ekipin. Ai nuk e nisi titullar për shkak të një zgjedhjeje taktike, por kontributi i tij është gjithmonë i madh”.

“Që kur ka ardhur ai ka pasur një moment të vështirë sepse ka luajtur pak, pastaj e ka merituar atë që ka bërë dhe ka merituar respektin e bashkëlojtarëve”, deklaroi trajneri i Spezias. /Telegrafi/