LAJMI I FUNDIT:

Si t’i largoni dhimbjet menstruale

Si t’i largoni dhimbjet menstruale

Shumica e femrave bëhen emocionale dhe kanë dhimbje para dhe gjatë menstruacioneve.

Kjo ndryshe njihet edhe si PMS (sindroma para-menstruale), ndërkaq dhimbjet dhe PMS janë normale dhe mund të trajtohen, transmeton Telegrafi.

Çfarë i shkakton dhimbjet?

Dhimbjet menstruale nuk janë aspak komode dhe shkaktojnë dhembje, por ndodhin për një arsye. Gjatë menstruacioneve, mitra tkurret – kjo do të thotë se ngushtohet dhe i ndihmon menstruacionet të dalin nga vagjina.

Shumica e femrave kanë dhimbje gjatë menstruacioneve, sidomos në pjesën e poshtme të barkut.

Dhimbjet mund të fillojnë disa ditë para menstruacioneve, e ndonjëherë zgjasin derisa të kryhen ato.

Zakonisht, dhimbjet menstruale janë më të mëdha në ditët e para kur rrjedha e gjakut është më e madhe.

Çfarë ndihmon në trajtimin e dhimbjeve menstruale?

Ka disa mënyra se si mund t’i lehtësoni këto dhimbje aspak të këndshme:

– Përdorni ilaçe kundër dhimbjes, siç është ibuprofeni, naproxeni, apo tylenoli, por në konsultim me doktorin.

– Bëni ushtrime fizike

– Vendoseni një shtresë të nxehtë në bark ose në pjesën e poshtme të shpinës

– Bëni dush të ngrothë

– Përjetoni orgazëm

– Pushoni

– Bëni ushtrime të frymëmarrjes, meditim apo joga

– Ushqehuni shëndetshëm me pemë, perime, tërshërë dhe jogurt

– Kufizojeni yndyrën, kripën, sheqerin, kafeinën dhe alkoolin. /Telegrafi/