Katër burra që i mbijetuan robërimit në një kamp të xhihadistëve të ISIS dhe arritën ta shijojnë sërish lirinë, kanë folur për BBC në lidhje me përvojën e tyre.
Ata janë takuar përsëri gjatë këtij muaji, dhe ky ishte takimi i tyre i parë që kur i shpëtuan kthetrave të Shtetit Islamik që po i mbante peng në një kamp në Siri, transmeton Telegrafi.
Federiko Motak punëtor humanitar, Didier Francois korrespondent dhe gazetar lufte, Daniel Raj Otosen fotograf dhe gjimnast danez, si dhe fotografi dhe blogeri francez Pierre Tore, i kanë kaluar tre muaj pa iu ekspozuar rrezeve të diellit, pasi për javë të tëra janë rrahur dhe kanë qëndruar të lidhur me zinxhirë.
Megjithatë, ata kanë fituar në “lojën e mbijetesës” që zgjati rreth një vit.
Në mënyra të ndryshme ata luftuan për mbijetesë dhe bën gjithçka që të mbesin gjallë: Motka me çdo kusht është munduar të mbrohet, duke mbajtur kokën poshtë derisa goditej dhe torturohej nga xhihadistët; Francois i shikonte vazhdimisht në sy; Otosen është detyruar të bëjë ushtrime gjimnastike për të bindur se është gjimnast i vërtetë e jo spiun apo ushtar; Tore injoronte urdhrat e xhihadistëve, por e pësonte keq, pasi vazhdimisht rrihej.
Por ata ndihmuan njëri-tjetrin të qëndrojnë të shëndetshëm dhe normal.
Kur Otoso u përpoq të vriste veten, rojet nuk e ndaluan, kurse kolegët e tij e rikthyen në jetë. Ata së bashku luanin shah, ndërsa figurat e improvizuara i kishin bërë nga kartoni.
Gjatë kohës në robëri, ata kishin folur për peshkim, not dhe gjëra tjera. Dhe kështu në këtë mënyrë, janë munduar të lirojnë stresin e akumuluar. /Telegrafi/
