Gjërat që ne mësojmë në shkollë, si matematika, gramatika dhe shkenca, janë padyshim të rëndësishme dhe të dobishme për t’u njohur, por pa dyshim që një nga aftësitë më të rëndësishme të jetës, për të zotëruar është komunikimi me të tjerët dhe nuk është diçka që mësohet zakonisht në një plan-program shkollor
“E gjithë jeta jonë është thjesht një seri bisedash,” shpjegon Charreah K. Jackson, konsulente e komunikimit.
“Ne nuk e vlerësojmë fuqinë e komunikimit për të transformuar jetën tonë,” shton ajo. “Por qartazi, është një pjesë e madhe e jetës së përditshme.”
Më poshtë, paraqiten katër këshilla efektive të komunikimit që jo vetëm do t’ju ndihmojnë të lidheni me të tjerët, por gjithashtu mund të ndryshojnë për mirë jetën tuaj.
1. Thoni “jo” kur keni nevojë
Sa herë që thoni “po” për të bërë diçka, ju jeni duke thënë “jo” për të gjitha gjërat e tjera që do donit të bënit në vend të saj. Pra, kur nuk jeni në gjendje të thoni “jo” në punë ose në jetën tuaj personale, atëherë ju jeni duke thënë “jo” për ëndrrat tuaja dhe mënyrat e tjera që mund të kaloni kohën tuaj të vlefshme.
Jini të sinqertë me veten nëse mund të bëni diçka dhe nëse nuk mundeni. Është e rëndësishme të komunikoni kufijtë tuaj dhe të thoni jo nëse është e nevojshme.
2. Mësoni të delegoni
Ju mund të mendoni se marrja përsipër e gjithë punës do t’ju bëjë të dukeni më produktiv dhe më të mirë në punën tuaj, por jo gjithmonë është kështu.
Çdo person i shkëlqyer ka ndihmë për të arritur aty ku është.
Si ta bëni delegimin në mënyrë efektive?
– Së pari, mos harroni se delegimi nuk është vetëm hedhja e një liste detyrash tek dikush tjetër.
– Sigurohuni që të gjeni kohë për t’iu përgjigjur çdo pyetjeje dhe për t’u siguruar që anëtari i ekipit që merret me detyrën është i qartë dhe i sigurt për atë që duhet bërë.
– Ju gjithashtu duhet të komunikoni rezultatet, burimet dhe pritshmëritë e dëshiruara për të ekzekutuar një detyrë.
3. Lundroni në mosmarrëveshje
Njerëzit kanë mendime të ndryshme, natyrisht, por kur bëhet fjalë për mosmarrëveshje me të tjerët, Jackson thotë se së pari është e rëndësishme të rivlerësojmë se kujt, ku dhe për çfarë po e japim energjinë tonë.
Zakonisht, në një ambient pune a diku tjetër, ndonëse mendimet mund të jenë të ndryshme, qëllimi dhe objektivat janë të njëjta.
Prandaj, merrni frymë thellë, qëndroni me këmbë në tokë dhe fokusohuni fillimisht tek fakti që ju po punoni drejt të njëjtit qëllim.
“Identifikimi qëllimeve të përbashkëta na jep një themel për të ndërtuar çdo bisedë.”
Në këtë mënyrë, edhe nëse jeni në kundërshtim me njëri-tjetrin, ju e dini se i përkisni të njëjtës anë dhe nuk jeni “kundërshtarë”.
Sigurohuni gjithashtu, ta dëgjoni me vëmendje personin tjetër. Ju mund të mos bini dakord, por ndoshta në fund të bisedës, ideja apo strategjia e dikujt tjetër mund të jetë më bindëse se e juaja.
4. Kërkoni dhe pyesni për çfarë keni nevojë
Mos harroni: Të gjithë japin mbështetje diku dhe të gjithë kanë nevojë për mbështetje. Nëse ti nuk kërkon për ndihmë a diçka tjetër, del jashtë këtij ekuilibri.
Një trik që mund të përdorni është të përpiqeni t’i shfaqni kërkesat tuaja si një fitore për të dyja palët.
Mos harroni se një komunikim i mirë, kërkon praktikë. Prandaj, mos u frikësoni përballë asnjë mundësie që ju jepet për të folur dhe nëse jeni të frikësuar, bëjeni gjithsesi! Vetja juaj do t’ju falënderojë.
Burimi: Today, Anabel
Promo
Reklamo këtuLufta Prigozhin - Putin
Më shumëNga Rubrika
Test psikologjik i Frojdit që ta njihni më mirë veten: Zbuloni brendinë e shpirtit tuaj!
Menaxhoni peshën dhe luftoni infeksionet duke përdorur proteina dhe vitamina
Si t’i digjni 1,000 kalori për një orë pa pasur nevojë të shkoni në palestër
Makina larëse harxhon dy herë më shumë energji elektrike për shkak të një gabimi që bëjmë
Menaxhoni peshën dhe luftoni infeksionet duke përdorur proteina dhe vitamina
Horoskopi vjetor 2024 - një kohë e fillimeve dhe mundësive të reja!
Test psikologjik i Frojdit që ta njihni më mirë veten: Zbuloni brendinë e shpirtit tuaj!
Binjakët: Horoskopi vjetor për 2024
Burri hasi në një gur varri me një kod QR - kur e skanoi nuk mund ta imagjinonte se çfarë pa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi