LAJMI I FUNDIT:

Si po arrijnë dronët ukrainas të hedhin me saktësi granatat e dorës në tanket ruse?

Si po arrijnë dronët ukrainas të hedhin me saktësi granatat e dorës në tanket ruse?

Dronët e vegjël të mbushur me mjete të ndryshme shpërthyese nuk do të kishin ndonjë efekt, nëse do të godisnin pjesën e jashtme të tankeve ruse.

Por, ukrainasit kanë gjetur një mënyrë më të lehtë për t’i shkatërruar ato, transmeton Telegrafi.

Në një video të postuar nga divizioni “Hija” e ushtrisë ukrainase gjatë të 8 majit, dronët e vegjël shihen duke fluturuar mbi tankun e braktisur rus T-90M, ku me saktësi të paparë arrijnë të hedhin granata dore amerikane M67 brenda kapakut që përdoret për të hyrë ushtarët.

Shihen tymi duke dalë nga tanku pas shpërthimit të granatës së dorës, e me kalimin e minutave tanku përfshihet nga zjarri – të pasuar me një seri shpërthimesh të municionet që gjendej brenda.

Bëhet fjalë për tankun 4 milionë dollarë që hidhet në erë nga një granatë dore 50 dollarëve, dhe një dron i vogël 2 mijë dollarësh. /Telegrafi/