Më shumë se gjysma e banorëve të Mumbait mund të jenë infektuar me COVID-19

Më shumë se gjysma e banorëve të qytetit indian, Mumbai janë testuar pozitiv për antitrupa, ka gjetur një studim i ri.

Vetëm 16 për qind e njerëzve që jetojnë jashtë lagjeve në të njëjtat zona të qytetit ishin të ekspozuar ndaj infeksionit. Testimi u krye në mënyrë të rastësishme mbi afro shtatë mijë njerëz në tre zona me popullsi të dendur në fillim të korrikut, raporton CNN.

Deri më 28 korrik, që nga fillimi i pandemisë, pak më shumë se 110 mijë raste dhe 6.187 vdekje ishin raportuar në qytetin e Mumbait.

Një studim i kryer nga këshilli i qytetit në bashkëpunim me institucionin qeveritar Niti Aayog dhe Institutin Tata të shtetit për Kërkime Themelore (TIFR) zbuloi se 57 përqind e njerëzve ishin të ekspozuar ndaj coronavirusit, transmeton Telegrafi.

Rreth 1.5 milionë njerëz jetojnë në këto tre zona, të cilat janë të vendosura në pjesë të ndryshme të qytetit, në pjesën perëndimore, lindore dhe qendrore.

Shkencëtarët e përfshirë në studim i thanë BBC-së se rezultatet e studimit treguan se sa është përhapur infeksioni në një nga qytetet më të prekura dhe më të populluara në Indi. /Telegrafi/