Shtëpia e Perrie Edwards dhe Alex Oxlade-Chamberlain grabitet derisa ata ndodheshin brenda me fëmijën e tyre

Këngëtarja e “Little Mix”, Perrie Edwards dhe i fejuari i saj, ylli i futbollit, Alex Oxlade-Chamberlain ishin objektiva të një vjedhjeje të tmerrshme në shtëpi këtë javë.

Dyshja, të dy 29 vjeç, ishin në katin e poshtëm me djalin e tyre 13 muajsh Axel kur hajdutët hynë në pronën e tyre prej 3.9 milionë dollarësh në Anglinë veriperëndimore, raportoi The Sun.

Krijuesja e hitit “Sweet Melody” dhe të dashuri të saj, i cili luan për Liverpoolin në Premier League, iu grabitën bizhuteri të çmuara dhe çantat me firmë.

Cheshire Constabulary, forca e policisë lokale, konfirmoi për BBC News se oficerët ishin thirrur për vjedhjen në orën 22:45 të së martës (27 shtator). Ndërkohë hetimi është duke vazhduar.

Burimet i thanë The Sun se Oxlade-Chamberlain dhe Edwards – e cila iu bashkuan grupit Little Mix në vitin 2011, kur u shfaqën në shfaqjen “The X Factor” mbetën “të tmerruar” dhe “zemërthyer” nga ngjarja.

“Është thjesht gjëja më dhunuese – të mendosh se dikush ka qenë në të gjitha gjërat e tij para se të kuptonte se çfarë po ndodhte është kaq shqetësuese”, tha një mik i tyre për median.

Çifti u fejua në fillim të këtij viti, duke e zbuluar lajmin në Instagram në një seri fotosh nga propozimi.

Njoftimi i fejesës së çiftit erdhi gati një vit pasi ata mirëpritën Axel, fëmijën e tyre të parë së bashku, më 21 gusht 2021.

Dyshja ndezën fillimisht thashethemet për lidhje në nëntor 2016, por thuhet se pritën të dilnin publike deri në janar 2017. Para Oxlade-Chamberlain, Edwards ishte fejuar më parë me këngëtarin e “One Direction”, Zayn Malik.

Ndërsa, që kur “Little Mix” njoftoi në fund të vitit 2021 se do të kalonin në një pauzë të pacaktuar pas turneut “Confetti” të grupit 2022, Edwards dhe anëtarët e tjera Jade Thirlwall dhe Leigh-Anne Pinnock kanë ngacmuar për planet për një karrierë solo. /Telegrafi/