Shpërthen në ajër dhe më pas përplaset mbi ndërtesën nëntëkatëshe – momenti i rrëzimit të aeroplanit rus

Aeroplani luftarak rus Su-35 është rrëzuar mbi një ndërtesë kolektive në qytetin Jejsk, ku gjendet porti i rëndësishëm detar në Detin Azov.

Sipas raportimeve të mediave të atjeshme, ka të vdekur dhe të lënduar, por akoma nuk është konfirmuar nuk i saktë i tyre, transmeton Telegrafi.

Ammunition of the 🇷🇺aircraft explodes. Yeysk, Krasnodar Krai, Russia. pic.twitter.com/MQ9aaMk3m4

— Paul Jawin (@PaulJawin) October 17, 2022

Ministria ruse e Mbrojtjes ka konfirmuar se bëhet fjalë për aeroplanin luftarak Su-34, që u rrëzua pak çaste pasi ishte ngritur në ajër nga aeroporti i këtij qyteti.

Pilotët e aeroplanit janë katapultuar dhe kanë rënë në tokë pa ndonjë lëndim. E sipas hetuesve, një prej motorëve të aeroplanit ishte përfshirë nga zjarri pak pasi ishte ngritur në ajër.

E në rrjetet sociale mund të shihen pamjet e ndërtesës së përfshirë nga zjarri qoftë në Twitter dhe Telegram, e janë publikuar edhe pamjet e aeroplanit Su-34 që rrëzohet mbi ndërtesë.

Në pamjet amatore shihet aeroplani duke humbur lartësinë, e disa sekonda para rrëzimit ndodh shpërthimi i aeroplanit në ajër.

Fluturakja Su-34 përfundon mbi ndërtesën nëntëkatëshe që menjëherë përfshihet nga zjarri. /Telegrafi/

‼️🇷🇺 BREAKING:
The moment of the crash of the Su-34 in Yeysk. The footage shows how the engine of the plane flashes, it begins to lose altitude, falls and explodes. #Russia pic.twitter.com/3w5ZGIzdC6

— Maimunka News (@Tb4O2u9c7MmZPmR) October 17, 2022