Një shofer që ishte nën ndikim të alkoolit është filmuar duke lëvizur me shpejtësi të madhe me veturë, dhe nuk arrin të ndalet tek rrethrrotullimi dhe përfundon duke fluturuar mbi të.

Kamerat e sigurisë kanë filmuar momentin kur 37-vjeçari humb kontrollin mbi timonin dhe përplaset në trotuar, ku nga goditja e madhe fluturon për disa metra, transmeton Telegrafi.

Një re pluhuri ngritet në ajër si pasojë e aksidentit të shkaktuar në Bragadiru të Rumanisë. Vetura e cila po lëvizte me shpejtësi të madhe nuk ndalet para rrethrrotullimit, dhe përfundon duke fluturuar.

Për fat të mirë as shoferi e pasagjeri që ishte brenda veturës nuk kanë pësuar lëndime serioze, falë rripit të sigurisë që e kishin vënë me kohë.

Ndërkaq me të mbërritur në vendin e ngjarjes, policia ka konstatuar se shoferi i veturës që është nga Bukureshti, ishte nën ndikim të alkoolit.

Atij menjëherë i është marrë patentë shoferi dhe rrezikohet të qëndroj prapa grilave nga 1 deri në 5 vjet. /Telegrafi/