Shkodran Mustafi kthehet në objektiv serioz për Liverpopolin

Liverpool po shikon që të ofrojë mbrojtësin shqiptar të Arsenalit, Shkodran Mustafi.

London Evening Standard shkruan se Liverpooli është i interesuar për Mustafin, pasi po kërkojnë të nënshkruajnë një mbrojtës qendror përpara mbylljes së afatit kalimtar të hënën.

Kuqezinjtë janë goditur rëndë nga dëmtimet në qendër të mbrojtjes, me Virgil van Dijk dhe Joe Gomez që mungojnë tash e një kohë të gjatë, dhe Joel Matip u lëndua ndaj Tottenham të enjten, po kërkojnë një zgjidhje afatshkurtër.

Mustafi është një nga opsionet kryesore, pasi mbrojtësi shqiptar është në gjashtë muajt e fundit të kontratës së tij në Arsenal.

Aktualisht nuk ka kontakt mes Topçinjve dhe kampionëve aktual, pasi Liverpooli po shikon edhe një numër lojtarësh përpara mbylljes së afatit të hënë.

Mustafi është i hapur për t’u larguar nga Arsenali këtë muaj nëse oferta e duhur paraqitet drejt tij.

28-vjeçari ka tërhequr interes nga klube të tjera, ku edhe Lazio ka shprehur interesim, por asgjë konkrete nuk është shfaqur deri tani. /Telegrafi/