Shkencëtarët thonë: Meshkujt e rinj humbin peshë më lehtë, ndërsa e kundërta është për femrat
Sipas shkencëtarëve, dietat janë më të suksesshme për gratë pas menopauzës
Studimi tregoi se gratë mbi 45 vjeç, të cilat reduktuan kaloritë për një muaj, arritën të humbnin rreth 10 për qind të yndyrës trupore, ndërsa gratë më të reja në të njëjtën dietë humbën rreth 8 për qind të yndyrës trupore.
Fatkeqësisht për gratë më të reja të cilat provojnë të humbin peshë, është zbuluar që meshkujt nën 45 vjeç humbin më shumë yndyrë se femrat kur reduktojnë kaloritë.
Dallimi midis gjinive u zhduk pas kësaj moshe (45 vjeç), kur gratë ose po afroheshin ose po kalonin menopauzë.
Studiuesit besojnë se kanë prova shtesë, nga eksperimentet në minj, se humbja e yndyrës është më e lehtë për gratë e moshuara, transmeton Telegrafi.
Minjtë femra më të rinj ruajnë më shumë yndyrë dhe djegin më pak se meshkujt në dietë, ndoshta sepse yndyra është e rëndësishme për fertilitetin dhe lindjen e fëmijëve.
Kjo tregon se femrat e kanë më të lehtë të heqin qafe peshën e tepërt pas periudhës riprodhuese.
Dr William Cawthorne, i cili drejtoi studimin nga Universiteti i Edinburgut, tha se “këto rezultate janë një lajm i mirë për gratë që mund të kenë luftuar me dietën në një moshë më të re, pasi sugjeron që rezultatet mund të përmirësohen me moshën”.
“Është një nxitje e mirë për të mos u dorëzuar”, thotë doktori dhe shton se “marrja e reduktuar e kalorive ka shumë përfitime shëndetësore dhe mund të ndihmojë një person të plaket më shëndetshëm”.
Ai thotë se disa hulumtime të mëparshme kanë treguar se efektiviteti i këtyre dietave mund të ndryshojë midis burrave dhe grave.
Studiuesit planifikojnë të bëjnë më shumë për të kuptuar pse ndodh kjo, por besojnë se dietat janë më pak efektive për meshkujt e moshuar, gjë që mund të shpjegojë pjesërisht prevalencën e “barkut të birrës”.
Ndërkohë, gratë, nivelet e estrogjenit të të cilave zakonisht bien nga mosha 45 vjeç, mund të humbasin më shumë yndyrë kur nuk nevojiten për të mbështetur një shtatzëni të mundshme, raporton Daily Mail.
Studimi është publikuar në revistën “eLife”. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur