SHBA vendosë sanksione ndaj katër rusëve të lidhur me Alfa Group

SHBA ka vendosur sanksione ndaj katër rusëve të lidhur me konglomeratin financiar dhe investues Alfa Group dhe shoqatat e biznesit ruse, si pjesë e masave të fundit kundër elitës financiare të Moskës për luftën në Ukrainë.

Nga Sekretari i Financave të SHBA-ve është bërë e ditur se katër personat që ishin në bordin mbikëqyrës të Alfa – Petr Olegichic Aven, Mihail Maratoviq Fridman, German Borisovich Kan dhe Alekesei Viktorovich Kuzmichev janë cak i sanksioneve.

Sanksionet u vendosën edhe ndaj Shoqatës rus të Punëdhënësve dhe Unionit rus të Industrialistëve dhe Sipërmarrësve, transmeton Telegrafi.

Lexo po ashtu Marrëveshja e Putinit me mercenarët e Wagner ka të ngjarë të 'kolapsojë' - ata mund të ‘aktivizohen’ në fund të gushtit

“Elitat e pasura ruse duhet të heqin dorë nga ideja se mund të bëjnë biznes si zakonisht, ndërkohë që Kremlini bën luftë kundër popullit ukrainas”, u tha në një deklaratë nga zëvendës-sekretari i Financave, Ëally Adeyem.

Duke komentuar sanksionet e reja, ambasadori rus në SHBA, Anatoli Antonov, tha se ato ishin pjesë e një “politike të dështuar kufizuese” dhe se Shtëpia e Bardhë “nuk mund të shkatërrojë ekonominë dhe të minojë sovranitetin teknologjik”. /Telegrafi/