Sharon Stone zbulon producentin që i tha se duhej të flinte me aktorin Billy Baldwin për performancë më të mirë në film

Sharon Stone ka identifikuar producentin e ndjerë që ajo pretendon se i sugjeroi të flinte me bashkë-yllin e saj të “Sliver”, Billy Baldwin, për të përmirësuar kiminë e tyre në ekran.

Aktorja tani 66-vjeçare shkroi fillimisht për incidentin në kujtimet e saj të vitit 2021, “The Beauty of Living Twice”.

Ajo u përmba nga emri i producentit të supozuar në atë kohë; megjithatë, duke folur në një episod të fundit të ‘Louis Theroux Podcast’, zbuloi se ishte i ndjeri, Robert Evans.

Evans, i njohur më së miri për punën e tij në “Rosemary’s Baby” dhe ‘The Godfather”, vdiq nga shkaqe natyrale në vitin 2019 . Ai ishte 89 vjeç.

Lexo po ashtu Të gjitha lajmet nga Sharon Stone

Duke kujtuar momentin, aktorja e “Basic Instinct” tha se “duhej të ishte në xhirime”, por iu tha të takonte Evans në zyrën e tij për të diskutuar kiminë e saj me Baldwin, tani 61 vjeç.

“Evani po vraponte rreth zyrës së tij me syzet e diellit, duke më shpjeguar se ai flinte me Ava Gardner dhe unë duhet të flija me Billy Baldwin, sepse nëse do të flija me Billy Baldwin, performanca e Billy Baldwin do të përmirësohej”, kujtoi Stone.

“Dhe ne kishim nevojë që Billy të bëhej më i mirë në film, sepse ky ishte problemi”.

Duke shpjeguar logjikën e Evanit, ajo tha: “Nëse do të mund të flija me Billy-n, atëherë do të kishim kimi në ekran dhe nëse do të bëja seks me të, atëherë kjo do ta shpëtonte filmin”. /Telegrafi/