“Sex and the City” duket se do të rikthehet së shpejti në HBO Max, sipas një konfirmimi të Fox News.

Seria ikonike po kthehet me një kapitull të ri të titulluar, “And Just Like That…” me Sarah Jessica Parker (Carrie Bradshaw), Cynthia Nixon (Miranda Hobbes) dhe Kristin Davis (Charlotte York).

Kim Cattrall, e cila luajti Samantha Jones, raportohet se nuk do të kthehet.

Foto: AP

“Seriali do të sjellë Carrie, Miranda dhe Charlotte ndërsa do prezantojnë udhëtimin nga realiteti i ndërlikuar i jetës dhe miqësisë në të 30-tat e tyre në realitetin edhe më të ndërlikuar të jetës dhe miqësisë në të 50-at e tyre”, thuhet në një njoftim.

Bëhet e ditur gjithashtu se do jenë rreth 10 episode nga gjysmë ore dhe është planifikuar që të fillojë transmetimin në New York në fund të pranverës.

“Sex and the City” filloi si një shfaqje televizive në 1998 dhe vazhdoi deri në 2004 në HBO. Katër miqtë më të mirë u ribashkuan për dy filma të tjerë, të lansuar në 2008 dhe 2010.

Foto: BuzzFeed

“Unë jam rritur me këto personazhe dhe mezi pres të shoh se si historia e tyre ka evoluar në këtë kapitull të ri, me ndershmërinë, hidhërimin, humorin dhe qytetin e dashur që i ka përcaktuar gjithmonë”, ka thënë producentja Sarah Aubrey.

“And Just Like That…” është realizuar nga Parker, Davis, Nixon dhe Michael Patrick King. /Telegrafi/