Legjenda amerikane, Tony Bennett, do të marrë pjesë në ceremoninë e Grammy Awards të këtij viti si pasojë e sëmundjes Alzheimer.

Reklama

95-vjeçari është ftuar në ngjarjen e madhe muzikore që të performojë në skenën e Las Vegasit së bashku me Lady Gagan, por fatkeqësisht, kjo nuk do të ndodhë.

“Ai është i gëzuar që albumi i tij, ‘Love for Sale’, është i nominuar në gjashtë kategori. Megjithatë, Alzheimeri e ka bërë të veten, prandaj kemi vendosur se është më mirë që ajo të performojë vetëm”, ka thënë djali i këngëtarit, Danny Bennett, për revistën Variety.


Sëmundja e Alzheimer është një formë e demencës që ndikon në kujtesën, të menduarit dhe sjelljen. Simptomat zhvillohen aq shumë saqë pengojnë në kryerjen e obligimeve ditore. Alzheimer është shkaku më i zakonshëm i demencës – një term i përgjithshëm për humbjen e kujtesës dhe aftësive tjera njohëse, aq rëndë saqë ndërhyn në jetën e përditshme.


Tony do ta përcjellë interpretimin e Lady Gagas të këngës “Love for Sale” nga shtëpia e tij në New York.

Reklama

Bennett është diagnostikuar me sëmundjen Alzheimer në vitin 2016, ndërsa disa muaj më parë kishte njoftuar se do të tërhiqet tërësisht nga jeta publike.

Reklama
Fundi i karrierës së një legjende, pensionohet Tony Bennett Fundi i karrierës së një legjende, pensionohet Tony Bennett

Për herë të fundit, legjenda ka performuar në gusht të vitit të kaluar në koncertin e quajtur “One Last Time” në Radio City Music Hall të New Yorkut. /Telegrafi/