Sekretari amerikan i Thesarit, Steven Mnuchin, ka paralajmëruar se kriptovalutat po keqpërdorën, pasi që kriptovaluta Libra po tenton të futet në rrjet.
Mnuchin paralajmëroi se kjo Libra mund të përdorët për të pastruar para.
“Thesari është shumë i shqetësuar në lidhje me Libra, që mund të keqpërdoret për të pastruar para”, thekson Mnuchin duke raportuar për rregullimin e kriptovalutave, përcjell Telegrafi.
Ai shtoi se, “Facebook ka shumë punë për të bërë që të bindë Administratën Trump për të futur në rrjet këtë monedhë. Monedhës do i duhet të respektojë një nivel shumë të lartë rregulloreve”.
Po ashtu, presidenti i Shteteve të Bashkuara të Amerikës, Donald Trump, ka sulmuar kriptovalutën Libra, duke pretenduar se nuk do të jetë i besueshëm.
Sipas Trumpit, Facebook duhet t’i nënshtrohet të gjitha rregulloreve bankare në mënyrë që të ec përpara.
“Asetet e parregulluara të kriptovalutave mund të lehtësojnë sjelljen e paligjshme, duke përfshirë tregtinë e drogës dhe aktivitete të tjera të paligjshme, ‘monedha virtuale’ e Facebookut, Libra nuk do të jetë i besueshëm”, ka shkruar Trump në Twitter, përcjell Telegrafi.
Ai ka shtuar se Shtetet e Bashkuara kanë vetëm një monedhë reale.
“Ne kemi vetëm një monedhë reale në Shtetet e Bashkuara të Amerikës dhe është më i fortë se kurrë, i sigurt dhe i besueshëm. Është monedha më dominuese në botë dhe gjithmonë do të qëndrojë në atë mënyrë. Ky quhet dollari i Shteteve të Bashkuara”, ka shtuar ai.
Edhe guvernatori i Rezervës Federale të Shteteve të Bashkuara të Amerikës, Jerome Powell, paralajmëroi se plani i rrjetit social Facebook për të ndërtuar një kriptovalutë të quajtur “Libra” nuk mund të shkojë përpara derisa shqetësime serioze rreth saj të jenë adresuar duke shtuar presionin mbi projektin kontrovers.
Ligjvënësit në mbarë botën kanë shprehur tashmë shqetësimet e tyre serioze rreth kriptovalutës, por këto komente nga autoriteti më i fuqishëm financiar vë në dyshim projektin e Facebook.
“Libra ngre shqetësime serioze rreth privatësisë, pastrimit të parave, mbrojtjes së konsumatorit dhe stabilitetit financiare. Nuk e shoh të mundur realizimin e këtij projekti pa adresuar këto shqetësime”, tha Powell, përcjell Telegrafi.
Demokratët e Senatit amerikan kanë kërkuar që Facebook të ndalojë zhvillimin e kriptovalutës si dhe portofolit dixhital Calibra, derisa Kongresi dhe autoritetet rregullatorë të kenë mundësi të hetojnë rreziqet e mundshme që i kanosen sistemit botëror financiar prej saj.
Muajin e kaluar, rrjeti social Facebook prezantoi kriptovalutën e cila e quan “Libra”.
Sipas kompanisë, misioni i kriptovalutës do të jetë krijimi i një infrastrukture më të thjeshtë financiare botërore dhe se njerëzit duhet të kenë mundësinë që të dërgojnë para me të njëjtën lehtësi sikurse dërgojnë një foto.
https://www.reuters.tv/v/PGGQ/2019/07/15/a-rising-chorus-against-facebook-s-new-currency
Themeluesi i Facebookut, Mark Zuckerberg, në momentin e prezantimit ka thënë se çdo person që ka qasje në internet, njëjtë do të ketë qasje edhe në këtë monedhë dixhitale, me një kosto minimale. /Telegrafi/
Promo
Reklamo këtuLufta Prigozhin - Putin
Më shumëPo lulëzojnë ofertat n’BAU MARKET
Afër detit, afër mbretit - Mbreti i "Holiday In 2" po t'fton në fron
Abonohu në Shqip.ai - Zbulo pakot e reja të çmimeve
Dënohet me 25 vjet burg mashtruesi më i madh me kriptovaluta në SHBA
Ku janë banesat më të shtrenjta në Evropë dhe sa janë të gatshëm të shpenzojnë njerëzit?
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia