Ekonomi Financa

Presidenti Trump sulmon kriptovalutën Libra, thotë se nuk është i besueshëm si dollari

Para 5 vitesh

Presidenti i Shteteve të Bashkuara të Amerikës, Donald Trump, ka sulmuar kriptovalutën Libra, duke pretenduar se nuk do të jetë i besueshëm.

Sipas Trumpit, Facebook duhet t’i nënshtrohet të gjitha rregulloreve bankare në mënyrë që të ec përpara.

“Asetet e parregulluara të kriptovalutave mund të lehtësojnë sjelljen e paligjshme, duke përfshirë tregtinë e drogës dhe aktivitete të tjera të paligjshme, ‘monedha virtuale’ e Facebookut, Libra nuk do të jetë i besueshëm”, ka shkruar Trump në Twitter, përcjell Telegrafi.

Ai ka shtuar se Shtetet e Bashkuara kanë vetëm një monedhë reale.

“Ne kemi vetëm një monedhë reale në Shtetet e Bashkuara të Amerikës dhe është më i fortë se kurrë, i sigurt dhe i besueshëm. Është monedha më dominuese në botë dhe gjithmonë do të qëndrojë në atë mënyrë. Ky quhet dollari i Shteteve të Bashkuara”, ka shtuar ai.

I am not a fan of Bitcoin and other Cryptocurrencies, which are not money, and whose value is highly volatile and based on thin air. Unregulated Crypto Assets can facilitate unlawful behavior, including drug trade and other illegal activity….

— Donald J. Trump (@realDonaldTrump) July 12, 2019

….Similarly, Facebook Libra’s “virtual currency” will have little standing or dependability. If Facebook and other companies want to become a bank, they must seek a new Banking Charter and become subject to all Banking Regulations, just like other Banks, both National…

— Donald J. Trump (@realDonaldTrump) July 12, 2019

…and International. We have only one real currency in the USA, and it is stronger than ever, both dependable and reliable. It is by far the most dominant currency anywhere in the World, and it will always stay that way. It is called the United States Dollar!

— Donald J. Trump (@realDonaldTrump) July 12, 2019

Guvernatori i Rezervës Federale të Shteteve të Bashkuara të Amerikës, Jerome Powell, paralajmëroi se plani i rrjetit social Facebook për të ndërtuar një kriptovalutë të quajtur “Libra” nuk mund të shkojë përpara derisa shqetësime serioze rreth saj të jenë adresuar duke shtuar presionin mbi projektin kontrovers.

Ligjvënësit në mbarë botën kanë shprehur tashmë shqetësimet e tyre serioze rreth kriptovalutës, por këto komente nga autoriteti më i fuqishëm financiar vë në dyshim projektin e Facebook.

“Libra ngre shqetësime serioze rreth privatësisë, pastrimit të parave, mbrojtjes së konsumatorit dhe stabilitetit financiare. Nuk e shoh të mundur realizimin e këtij projekti pa adresuar këto shqetësime”, tha Powell, përcjell Telegrafi.

Po ashtu, demokratët e Senatit amerikan kanë kërkuar që Facebook të ndalojë zhvillimin e kriptovalutës si dhe portofolit dixhital Calibra, derisa Kongresi dhe autoritetet rregullatorë të kenë mundësi të hetojnë rreziqet e mundshme që i kanosen sistemit botëror financiar prej saj.

Muajin e kaluar, rrjeti social Facebook prezantoi kriptovalutën e cila e quan “Libra”.

Sipas kompanisë, misioni i kriptovalutës do të jetë krijimi i një infrastrukture më të thjeshtë financiare botërore dhe se njerëzit duhet të kenë mundësinë që të dërgojnë para me të njëjtën lehtësi sikurse dërgojnë një foto.

Themeluesi i Facebookut, Mark Zuckerberg, në momentin e prezantimit ka thënë se çdo person që ka qasje në internet, njëjtë do të ketë qasje edhe në këtë monedhë dixhitale, me një kosto minimale. /Telegrafi/