Ai ka luajtur për dy klube si Barcelona dhe Inter, ku tashmë ka zënë vend në librat e historisë së tyre. Samuel Eto’o mbetet një nga futbollistët më me ndikim të shekullit aktual.

Por ish- futbollisti nga Kameruni ka shumë rrëfime në lidhje me ngjarjet se si kanë shkuar në karrierën e tij.

Marca më poshtë i sjell disa nga momente e tij më interesante gjatë karrierës.

Marrëdhënia e tij me Luis Aragones

Në sezonin 2000/01, një 19-vjeçar me emrin Eto’o do të merrte një nga mësimet e tij më të rëndësishme të futbollit nga trajneri Luis Aragones. Gjatë një ndeshje mes Real Mallorca dhe Real Zaragoza, sulmuesi kamerunian u zëvendësua pas disa minutash në pjesën e dytë.

Sulmuesi ​​filloi duke goditur një shishe dhe nisi një tog fjalësh drejt Aragones.

Aragones u përgjigj në një mënyrë po aq emocionuese, duke kapur Eto’on nga këmisha e tij, dhe duke i thënë: “Jo me mua, a e kupton?”.

Ishte një konfrontim që Eto’o më vonë do ta konsideronte si një mësim jete dhe ai e përshkruan marrëdhënien e tyre si atë të babait dhe të birit.

Transferimi i tij te Barcelona

Më 12 gusht 2004, Eto’o pozoi duke buzëqeshur me Joan Laporta, ndërsa u prezantua si një lojtar i ri i Barcelonës. Atë verë sulmuesi ishte bërë pjesë e titujve të gazetave me fjalët e tij në lidhje me Real Madridin.

“As edhe sikur të më kishin paguar një miliard euro, nuk do të shkoja në Real Madrid, sepse nuk do të isha i lumtur. Unë nuk jam një djalë që mund të premtoj 50 gola, por ajo që mund të premtoj është se do të garoj”.

Në sezonin e tij të parë si lojtar i Barcelonës, Eto’o festoi duke fituar titullin e La Ligës.

Dyshime mbi profesionalizmin e tij

Në një ndeshje mes Blaugranave dhe Racing Santander në vitin 2007, u përfol se Eto’o refuzoi të dilte nga bankina në minutat e fundit.

Edhe një herë, Eto’o e bëri të qartë se nuk kishte kohë për njerëzit që dyshonin në profesionalizmin e tij.

“Nëse dikush ka topa për të më thënë në fytyrën time, më njoftoni. Rijkaard është një person i keq, ai po e vendos shtypin në dhomën e zhveshjes. Kushdo që shkon në një konferencë shtypi për të thënë Samuel Eto’o nuk donte të futet në lojë është një person i keq”, kishte thënë lojtari.

Ardhja e Pep Guardiola

Kur Pep Guardiola arriti në Barcelonë, ​​ai synonte të mbikëqyrte dhe të kishte rregull të plotë në dhomat e zhveshjes.

Eto’o u pa si një lojtar që duhej të largohej, por ai nuk donte. Sulmuesi përfundoi duke e bindur Guardiolan dhe ai ishte pjesë e një ekipi historik.

“Unë i thashë Guardiolës, ju do të më kërkoni falje sepse unë jam ai që do ta bëj Barcelonën të fitojë, jo Messi. Unë kam qenë ai që iu bëra të fitoni dhe Pep duhet të më kërkojë falje”, kishte thënë ai.

Lufta e tij e palodhshme kundër racizmit

“Nuk do të luaj më”. Këto ishin fjalët e tij kur ai ishte viktimë e abuzimit racor në Spanjë, më saktë në Zaragoza.

Ai u lodhur duke dëgjuar abuzime të tillë, dhe festoi një gol në atë stadium duke bërë kopjuar gorillën. Ai ishte një nga të parët që i rezistoi racizmit në fushë.

Si pjesë e kopertinës të Rolling Stone

Eto’o ishte nga të pakët futbollisti që pozoi i zhveshur për kopertinën e revistës Rolling Stone.

Ai këtë e shoqëroi një intervistë. /Telegrafi/