Cristiano Ronaldo ka shënuar hat-trick për të ndihmuar Portugalinë të ruajë kreun e grupit I në eliminatoret për Euro 2016.

Armenia kaloi e para në epërsi në takim, por nuk ka arritur ta ruajë atë duke pësuar në fund me rezultat 3-2.

Vendasit kaluan në epërsi herët në ndeshje me një shtylla-gol nga Marcos Pineiro Pizzelli (14’). Por pas gjysmë ore lojë ishte Ronaldo i cili barazoi për Portugalinë duke shënuar nga penaltia.

Lojtari më i mirë në botë, fitues i Topit të Artë për vitin e kaluar, shënoi edhe dy gola të hershëm me të filluar pjesa e dytë e takimit, duke shuar kështu shpresat e armenëve për të nxjerrë ndonjë pikë, të cilët krejt çfarë arritën ishte edhe një gol i dytë.

Me fitoren e sotme Portugalia forcon kreun e tabelës me 12 pikë, pesë më shumë se Danimarka dhe Shqipëria që kanë nga shtatë pikë.

Danimarka sonte ka rastin t’i ikë Shqipërisë në pozitën e dytë, nëse nxjerr ndonjë pikë si nikoqir i Serbisë.

Kuqezinjtë aktualisht mbledhin shtatë pikë, pa llogaritur këtu pikët që mund të fitohen nga ndeshja e ndërprerë ndaj Serbisë, për të cilën ende nuk ka një vendim përfundimtar.

Shqipëria po ashtu ka edhe një ndeshje më pak të zhvilluar se rivalët tjerë. /Telegrafi/