Cristiano Ronaldo ka mbërritur në terrenin stërvitor të Manchester United për bisedime të mëtejshme me Erik ten Hag.
Superylli portugez u përjashtua nga skuadra e Djajve të Kuq për barazimin 1-1 ndaj Chelsea të shtunën mbrëma.
Kjo erdhi pasi 37-vjeçari refuzoi të futej në fushë nga bankina për përballjen e tyre kundër Tottenhamit javën e kaluar.
Më pas ai shkoi drejt tunelit para përfundimit të ndeshjes, aty kun United fitoi 2-0 në një rivali tejet të vështirë.
Ten Hag e detyroi Ronaldon të stërvitej i vetëm, përpara se ta përjashtonte për ndeshjen ndaj Chelseat në Stamford Bridge.
Ai u gjobit gjithashtu me dy paga javore, deri në 800 mijë euro, për shfaqjen e tij publike të mosdisiplinës.
Ai mbërriti në kompleksin stërvitor të United Carrington të martën në mëngjes, ku përballet me bisedime për të ardhmen e tij.
Ronaldo vendosi të udhëtonte pak para orës 10 të mëngjesit me Cadillac Escalade - një dhuratë për ditëlindjen e 37-të nga e dashura Georgina Rodriguez me vlerë 200,000 euro.
SunSport kupton se ai do të përjashtohet edhe nga ndeshja ndaj Sherif Tiraspol nëse nuk tregon shenja pendim për veprimet e tij. /Telegrafi/
