Roma, si rezultat i coronavirusit pritet të ketë efekt në afatin kalimtar he tani po synojnë lojtarë që janë të lirë gjatë verës, pasi financat në klub nuk janë siç kanë qenë.

Sipas Calciomercato.com, klubi ka detajuar listën e lojtarëve që do t’i kërkojë.

Lojtari i parë që po ndiqet nga Giallorossët është mbrojtësi i Tottenhamit, Jan Vertonghen.

Jan Vertonghen . (oto: Alex Davidson/Getty Images)

Qendërmbrojtësi belg tani 32-vjeçar është në Spurs që nga viti 2012,, por tani është duke kërkuar një largim nga Londra duke refuzuar një kontratë të re.

Një lojtar tjetër që po ndiqet nga klubi romak është Mario Gotze i Borussia Dortmund.

Sulmuesi 27-vjeçar gjerman është i lodhur duke qëndruar në stol këtë sezon dhe është në kërkim të minutave në fushë.

Mario Goetze . (Photo by Lars Baron/Getty Images)

Ai ka luajtur vetëm 569 minuta në 19 paraqitjet e tij këtë sezon.

Po ashtu edhe Giacomo Bonaventura i Milanit, është një nga lojtarët që pëlqehet.

Mesfushori italian, tani 30-vjeçar po ndiqet gjithashtu edhe nga rivalët italianë, Lazio dhe Fiorentina, por Roma është më afër për të siguruar nënshkrimin e tij.

Giacomo Bonaventura (Photo by Marco Luzzani/Getty Images)

Për fund, lojtari që Roma po kërkon të nënshkruajë, po ashtu si transferimi i lirë gjatë verës është sulmuesi spanjoll Pedro.

Lojtari, i cili ka kaluar pesë vjet te Chelsea, nuk pëlqehet aq shumë tani nga trajneri Frank Lampard. /Telegrafi/