Rodrygo fërkon këmbët e Ronaldos për fat, por tifozët kanë frikë dhe nga e keqja

Tifozët janë në mëdyshje pasi ylli brazilian, Rodrygo, është xhiruar duke fërkuar këmbët e ‘Fenomenit’ Ronaldo për fat.

Sulmuesi i Real Madrid po fliste me legjendën braziliane pasi e ndihmoi skuadrën e tij ta mposhtte Zvicrën të hënën në mbrëmje në ndeshjen e raundit të dytë të Grupit G.

21-vjeçari nuk startoi në atë takim, por ndihmoi Brazilin ta thyente më në fund mbrojtjen e kundërshtarit. Ai asistoi te goli i vetëm i Selecaos, të cilin e realizoi mesfushori i Manchester Unitedit, Casemiro dhe në këtë mënyrë, përfaqësuesja e tij e siguroi pjesëmarrjen në 1/8 e finales.

Rodrygo quiere un poquito de Ronaldo. Brillante final 🤣pic.twitter.com/PvluvFO4ZV

— Pablo Giralt (@giraltpablo) November 28, 2022

Mirëpo, tifozët tash kanë frikë se ai mund të lëndohet, pasi i ka fërkuar këmbët Ronaldos për fat.

46-vjeçari konsiderohet si një nga sulmuesit më të mirë të të gjitha kohërave, por u pengua të arrinte maksimumin e potencialit të tij nga lëndimet gjatë gjithë karrierës së tij.

Disa nga komentet e tifozëve:

“Po… do të lëndohet”.

“Ai po prek edhe lëndimet në gju”.

“Shpresoj që ai të mos ia transferojë dëmtimet që i dhanë fund karrierës së bashku me fuqitë speciale”.

“A e kupton se ai do t’i marrë gjithashtu edhe problemet e tij të lëndimeve?”.

Gjatë intervistës, Ronaldo e pyeti lojtarin e ri nëse ishte i gatshëm ta zinte vendin e Neymarit të lënduar, ndërsa në fund i uroi fat për sukses të mëtutjeshëm gjatë turneut.

Rodrygo dhe Brazili kanë edhe një ndeshje të mbetur grupore dhe do ta sigurojnë kreun së paku nëse arrijnë barazim ndaj Kamerunit. Në këtë rast do të luajnë kundër vendit të dytë në Grupin H.

Ndërkaq, në rast se nuk e zënë vendin e parë në grup, atëherë do të luajnë kundër Portugalisë së Cristiano Ronaldos në 1/8 e finales. /Telegrafi/

Rodrygo trying to get some of that Ronaldo magic pic.twitter.com/M1hQH3U1xY

— Siavoush Fallahi (@SiavoushF) November 28, 2022