LAJMI I FUNDIT:

Robin Krasniqi e humb titullin e kampionit evropian, mposhtet nga Stefan Haertel

Robin Krasniqi e humb titullin e kampionit evropian, mposhtet nga Stefan Haertel
(Foto: Instagram/boxstef)

Haxhi (Robin) Krasniqi nuk ka arritur ta mbrojë titullin e kampionit të Evropës në peshat super të mesme, duke u mposhtur nga kolegu i tij shumë i afërt, Stefan Haertel.

Boksieri kundërshtar e filloi më mirë meçin, duke i dominuar të dy raundet e para, ndërsa Krasniqi pësoi një të çarë në syrin e tij të djathtë. Boksieri shqiptar tentoi të rikthehej në raundin e tretë, por Haertel bëri disa lëvizje të mira, për ta mbajtur edhe më tej epërsinë.

‘Robini’ në raundin e katërt bëri disa goditje nga poshtë-lartë, derisa kundërshtari i tij bëri disa lëvizje strategjike për ta futur në kënd boksierin shqiptar.

Problemet për Robin Krasniqin vazhduan edhe në raundin e pestë, pasi e gjakosura në syrin e djathtë nuk ndalej, edhe pse Haertel filloi të zmbrapsej, pasi mori një goditje në hundë, duke u gjakosur po ashtu.

Raundi i gjashtë, ishte raundi ku boksieri shqiptar filloi të rikthehej, ndërsa boksieri kundërshtar ishte më shumë i kujdesshëm, pasi lëshonte disa goditje të befasishme në drejtim të Krasniqit.

Robin Krasniqi nuk arriti ta mbajë epërsinë që e krijoi në raundin e gjashtë ndaj Haertel, pasi me fillim të raundit të shtatë i pranoi disa goditje të njëpasnjëshme, duke i vështirësuar punët edhe më shumë vetes.

Mbrojtja e boksierit shqiptar filloi të ulej, pasi boksieri kundërshtar bëri disa goditje të mira, për ta rikthyer bindshëm epërsinë ndaj Krasniqit. Në raundin e tetë vërehej lodhja e të dy boksierëve, por që shihej qartë se Haeretel e kishte studiuar mjaft mirë Krasniqin, duke i kuptuar edhe disa goditje që boksieri shqiptar tentonte t’i bënte.

Të gjitha lajmet nga Robin Krasniqi
Lexo po ashtu Të gjitha lajmet nga Robin Krasniqi

Robin Krasniqi arriti të rikthehej në raundin e nëntë, duke bërë me fillim disa kombinime të bukura, për ta zmbrapsur Haertelin nga sulmet tij të reshtura. Boksieri shqiptar filloi që ta shfrytëzojë në maksimum fuqinë e tij, që së paku ta zvogëlojë epërsinë e boksierit kundërshtar.

Haertel e thelloi edhe më shumë epërsinë në raundin e dhjetë, duke i bërë disa goditje në drejtim të Haxhi Krasniqit. Boksieri kundërshtar arriti që ta ulë mbrojtjen e Krasniqit, duke i bërë disa kombinime dhe duke bërë që boksieri shqiptar të tërhiqet edhe më shumë në qoshet e ringut.

Raundi i 11-të për Krasniqin ishte një shpresë rikthimi, duke bërë disa goditje të forta në drejtim të Haertel, por që lodhja e tij vërehej qartë. Robini filloi të jepte gjithçka nga vetja në mënyrë që të zvogëlohej diferencë e madhe që ishte krijuar në pikë në mes tij dhe Haertel.

(Foto: Screenshot/YouTube/Sport im Osten/MDR)

Në raundin e 12-të vërehej qartë se Haxhi Krasniqi e kishte humbur meçin edhe pse nga stafi i tij iu bë me dije që të jepte gjithçka për ta rrëzuar Haertelin, pasi me pikë ai veç se e kishte humbur përballjen.

Krasniqi nuk arriti që të bëjë asgjë më shumë ndaj kundërshtarit të tij, duke e humbur kështu titullin e kampionit evropian EBU për peshat super të mesme.

Juria vendosi që me vendim unanim ta shpallë Stefan Haertelin kampion evropian në peshat super të mesme, titull ky që i takonte deri sot Robin Krasniqit. Këto ishin pikët e jurisë në favor të Haretel: 112-117, 112-116, 113-115.

Ky ishte meçi i 55-të në karrierën e Robin Krasniqit, me 49 fitore (ku 17 i ka përfunduar me nokaut), derisa kjo ishte humbja e gjashtë për të. /Telegrafi/

Në trend Sport

Më shumë
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare

"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes

La Liga
Sacchi sugjeron katër nënshkrime të verës për Milanin dhe shpreson që Pioli të qëndrojë

Sacchi sugjeron katër nënshkrime të verës për Milanin dhe shpreson që Pioli të qëndrojë

Serie A
Guardiola i fiksuar pas nënshkrimit të yllit të Ligës Premier

Guardiola i fiksuar pas nënshkrimit të yllit të Ligës Premier

Premier League
Kalo në kategori