Rita Ora ‘ngriti’ tempereaturat duke u shfaqur me një fustan rrjetë në disa fotografi të reja në Instagram të publikuara të mërkurën.
Këngëtarja e famshme, 30 vjeçe, dukej e mahnitshme teksa shkëlqente e veshur me bikini të zeza dhe një fustani transparent që zbulonte linjat e saj trupore, shkruan DailyMail.
Veshja e tejdukshme theksoi figurën trupore të Ritës e cila është për t’u pasur zili nga shumë femra, ndërsa këngëtarja mund të shihej duke lundruar rreth plazhit kalifornian, e veshur pa asgjë, përveç një palë bikini të zeza poshtë.
Duke ecur zbathur për endjen e saj në rërë, anëtarja e jurisë së “The Voice Australia” mbante fustanin e saj me duar lart, në mënyrë që ai të mos lagej, ndërsa mund të shihej duke i qeshur shoqes së saj.
Duke u kapur për dore me interpretuesen e hitit “Anywhere”, Sofia Reyes, e cila ka bashkëpunuar me Ritën në projektin e ri “Seaside” duket se ishte me disponim të njëjtë, teksa ishte veshur pothuajse njëjtë si Rita.
Në të njëjtën seri fotografish, Rita ndau me ndjekësit në Instagram edhe një tjetër imazh ku dukej magjepsëse, e veshur me një veshje të përbërë nga disqe të vogla, duke nxitur kështu tundimin te fansat se ajo mund të jetë në xhirimet e një klipi të ri.
Në veshjen plot shkëlqim, 30-vjeçarja kishte një xhaketë me gëzof shumëngjyrësh, të cilën ajo e kishte varur mbi supet e saj.
Artistja shqiptare nuk është kthyer një herë në Mbretërinë e Bashkuar që nga festa e saj famëkeqe e thyerjes së rregullave pandemike në 30-vjetorin e saj të lindjes nëntorin e vitit të kaluar.
Rita theu protokollin pandemik kur tentoi të organizonte një festë me miqtë e saj në restorantin “Casa Cruz” në Londër.
Menjëherë pas incidentit, Rita u nis për në Bullgari ku xhiroi një klip të ri dhe pas kësaj kaloi shtatë muaj në Sydney, ku shijoi eksperiencën si anëtare e jurisë në spektaklin e talenteve, “The Voice Australia” i cili është duke u transmetuar aktualisht në kontinentin australian.
Në të njëjtën kohë, Rita ka nisur edhe një lidhje të re me regjisorin Taika Waititi, i cili është me prejardhje nga Zelanda e Re.
Ata bënë debutimin e tyre të parë zyrtar si çift në premierën e “The Suicide Squad” në Los Angeles pak javë më parë. /Telegrafi/
