Rita Ora me dukje shumëngjyrëshe me koleksionin e ri nga “Gucci”

Ajo gjithmonë qëndron e azhurnuar me trendet më të fundit të modës.

Dhe në disa fotografi ekskluzive të siguruara nga DailyMail të enjten, Rita Ora u dukej tejet tërheqëse në një veshje shumëngjyrëshe të koleksionit të ri të markës “Gucci Aria”.

Këngëtarja 30 vjeçare, mori disa poza atraktive në një kopsht të manikyrosur pasi kishte perënduar dielli.

Një fund i materialit saten me një dizajn të larmishëm, kombinuar me bluzën shumëngjyrëshe i dhanë një pamje edhe më joshëse artistes shqiptare.

Ajo i shtoi pamjes edhe më shumë bukuri me një çantë blu, kombinuar me një palë këpucë elegante të ngjyrë bardhë.

Rita zbukuroi gishtat e saj me një zgjedhje eklektike të unazave ndërsa vuri vathë sportivë të varur dhe gjerdanë ari.

Ajo vuri në pah fytyrën e saj të shkëlqyeshme me makijazh të butë dhe modeloi flokët e saj bionde në formë të lirshme.

Rita është ylli i fundit e zgjedhur si ambasadore e brendit “Gucci”, për të promovuar koleksionin e tyre më të ri, të quajtur “Gucci Aria”.

Yjet e tjerë të muzikës pop që gjithashtu janë ambasadorë të këtij brendi janë: Miley Cyrus, Lana Del Rey dhe Madonna.

Në fotografitë e publikuara në llogarinë e saj në Instagram të enjten, gjyqtarja e “The Masked Singer” u dallua nga turma edhe një herë me një kostum portokalli të lirshëm dhe një kopsë të përshtatshme.

Rita i shtoi një shkëlqim pamjes me sandale të holla me xhevahire dhe stoli ari klasike.

Rita zbarkoi në Australi në fillim të shkurtit për xhirimet e “The Voice Australi”, ku ishte e ftuar si anëtare e jurisë.

Finalja e spektaklit u xhirua të dielën në Carriageworks në Sydney, me trajnerët: Rita, Guy Sebastian, Keith Urban dhe Jessica Mauboy të pranishëm.

Tani që angazhimet e saj atje kanë përfunduar, Rita pritet të kthehet në shtëpinë e saj në Mbretërinë e bashkuar, gjatë javëve në vazhdim. /Telegrafi/